bb剛剛一個月大,本來初出生開始一直餵全人奶,过左第一個星期,唔知點解bb開始成日放臭屁,啲便便越來越稀。問过醫生又話食人奶係痾得多啲。
有一日5分鐘痾一次水。醫生話佢腸胃炎 ,我擔心自己食錯嘢,所以開始一時餵人奶一時餵奶粉。(便便稀時會餵反奶粉,一日8,9餐大概會餵3餐奶粉)下半個月一直維持咁樣餵,去到月尾,我發現啲人奶小左,呀b成時啜得好辛苦,扭計,食5分鐘停下,隔一陣又食。完全無休息時間,奶水少左好多。變左餵晒兩邊補奶粉。
直到前日,我殘忍咁下決心全喂奶粉,但呀b呢兩日只係痾过一次大便,其他尿片嘅大便都係黃色幾粒咁。個樣成日都好似痾唔出,面仔紅曬。睇到佢咁個心好痛呀 點算好?係咪因為我家突然轉全奶粉所以bb無得痾,抑或bb腸胃頻亂?