今日試左第一次泵奶，泵左4個字兩邊加埋得2安（60ml),但發現問題。
先泵右邊，5分鐘差唔多1安，停左，我泵左邊，有奶柱出，4分鐘已經足有1安，又係出出下停左，拎開個泵用手擠又會有奶出，咁我按摩幾下，左邊又有奶柱，但20秒後又停左，我按摩右邊，直程冇奶，斷斷續續泵左4個字，已經冇奶出。
（5：30）俾佢食，唔駛5分鐘食晒，不過唔夠，埋身食多10分鐘（不過唔知出左幾多奶,但feel到有啜）掃左4個字風，去沖涼，沖完之後放落床仔自己訓著，冇扭計，訓左3個鐘（8：30）先再喊食下一餐，但埋身食左3個字停左，掃風，訓到（10：30）又喊食左2個字，明明訓左，放落床仔又喊醒，又俾佢食多10分鐘。
根據泵奶時既情況，埋身時其實佢係啜定係食，所以我唔夠奶，食唔飽，好快就喊呢。，。感激幫忙 