之前一直有埋身餵,但三/四個月大開始"勾"牙仔時就成日咬我同埋唔係好肯埋身食, 一係拎咩個頭一係咬我, 咬到好痛, 所以我只好改全泵.
最初都足夠佢一日食量, 但因為返工除咗lunch之外根本無可能再泵,加上佢唔肯埋身,量就越嚟越少...接住之前一病量又少咗...依家覺得越嚟越難泵咁...
基本上我每次都係一邊用泵, 另一邊用手擠, 到咁上下就交替咁做以求可以清哂兩邊...之前返工lunch時我可以用半個鐘至九個字清哂兩邊...但依家(可能同天氣凍又有關)一個鐘我用盡哂有時都覺得唔清...我已經有用熱水full...但係都感覺好困難...而且係個泵開大幾個度數都仲覺得無乜感覺咁...我好驚好快泵唔到乜滯...
因為生大女時本身餵得無細女咁好...返咗工之後奶量下降...然後好快就好似依家個感覺泵時好困難又擠唔到出嚟...但我好肯定係未清哂...
我試過再比佢埋身...但佢拎咩個頭唔肯食...連半夜都係咁...
我返工無可能真係三個鐘泵一次...有時我會偷雞一次半次早上晌公司有時間用手擠...lunch再泵...但晌公司做唔到一日三次...返屋企又係唔得...因為湊住一大一細...我老公一個搞佢兩隻唔掂...只可以放工返到屋企泵一次...
我好想繼續餵...但依家一日泵埋只夠佢食一餐...仲可以點呢?