BB四個月大，全人奶，由滿月開始，臉上耳朵頭頂頭皮紅腫長滿粒粒，有時仲出水，頭泥好多，當時只搽ai cream都攪得掂，但到而家出到連頸仔摺位心口背脊一撻撻紅同粒粒，依然有好多頭泥同出水，佢可能好痕，所以成日左右擦個頭仔攪到後面啲頭髮甩哂，雙眼嘴仔下巴皮膚又紅又乾，試過好多隻cream都唔得。睇左兒科只係搽類固醇，冇得攪，話六個月大皮脂炎會好。我好唔開心，因為可能係自己坐月飲埋啲補身中藥燉湯攪到佢咁，呢幾個月仲日日飲魚湯，令到佢敏感都唔定，我好怪自己，都唔知關唔關人奶事，之前儲落啲人奶唔知仲要唔要得，定係飲奶粉算？佢係G6PD borderline，所以我唔敢睇中醫飲中藥，呢兩日只係試下每日一餐用粟米心煲水開奶俾佢。而家點好呢，好擔心！