收到以下查詢：
我個囝而家六個半月, 一直都係全人奶, 大半個月前開始餵佢食粥仔, 食咗大半個月佢而家淨係肯食粥仔, 唔肯食奶, 每次都要搞成個鐘先餵到佢食奶, 但佢只肯飲120-160ml, 未食固體之前可以食到180-240ml, 健康院醫生話既然佢唔肯飲奶, 可以用兩餐粥代替兩餐奶, 另再加三餐奶, 佢食粥仔可以食到一大碗, 但奶一日加埋都飲唔多過360ml, 可能再少d, 呢幾日食完粥仔隔一陣又嘔, 已經嘔咗四五日, 又唔肯飲奶, 我真係驚佢唔夠營養, 但佢又玩得又瞓得, 唔似有病, 應該如何是好????
仲有另一個問題, 佢自從食咗固體後, 每晚都會"扎"醒一至兩次, 大喊要人抱, 我一抱佢就瞓番。佢未滿月已經戒咗夜奶, 一路都可以一覺瞓天光, 究竟點解而家會咁呢?