我post過喺你哋facebook㗎喇, 我想講, 橫頭磡母嬰健康院同我個囡做評估個姑娘,一d都冇鼓勵我地呢d人奶媽,同埋話人奶一歲已經冇營養誤導d老人家,有冇政府部門可以反映?
上星期五去橫頭磡健康院,姑娘姓陳,幫bb豬做一歲評估,話要減淨二至三餐奶,早午晚三餐要食固體,話人奶到一歲已經冇營養,只係蛋白質同脂肪,冇維他命冇纖維,跟住99就乘機叫介奶轉飲奶粉!
因為淨係中意飲奶,所以唔中意食固體,所以要減奶,呢個point冇問題; 但係係咪真係一歲d奶就冇營養淨係得蛋白質同脂肪協會幹事可唔可以答下我?仲諗住餵咗成年喇,姑娘會肯定我嘅努力,點知換嚟話冇營養呢個答案!咁我日日咁辛苦餵奶泵奶為乜?我去完健康院之後一直唔開心到而家,好在仲有老公支持我,但係99由我生咗之後一路都叫我唔好餵,個姑娘咁講嘢一句話冇營養,99又乘機叫介奶轉飲奶粉,我真係好想投訴個姑娘!