BB九個月大，未出牙，只係近日見到下排牙肉變腫同白色，加上佢咬手密左，我估係‘吽牙’
但佢前日發燒，不過仲食得玩得瞓得。晚上未退，成39.6度，所以尋日朝帶佢睇醫生。醫生話喉嚨發炎（醫生話出牙係唔會發燒喎），俾左paracetamol退燒同amoxycillin消炎。BB食左成日都仲燒，晚上特別勁，但佢都仲瞓到。
我改左同佢瞓，因為佢成日索食。但佢唔肯食原先lunch/dinner兩餐粥仔，只係改左少食多餐人奶，改為俾米糊都只係食左半餐，係咁喊。
1 因為BB今日開始退少少燒，但俟晚就燒番，老人家話係咁，所以點都要食退燒藥。抗生素我知要食到完架喇，只係想問咁BB係咪只食人奶都OK？
2 BB因為無食飯，屙番之前只食人奶嘅BB屎，老人家話係吽牙屎，我見就係人奶屎，次數多左，但佢又好似無乜野，只係我換片麻煩囉（尋晚四點幾嚟賴，我要幫佢沖涼（
想問有無媽咪有咁嘅經驗？
謝謝！
teresa