大家好!我bb現五個半月,想開始研究並計劃滿六個月時引進固體食物,聽說人奶可以開米糊,想請教:
1. 我見之前經驗媽媽分享自制米糊,係先將米磨碎,再好似煲粥咁煲,想問分量如何?是否煲到杰杰地?
2. 煲完點加入人奶變米糊?因我是在職媽媽,奶會預先泵出成為冰奶,那是否要先加熱人奶才混入米糊中?人奶分量要多少?
3. 開始時只要餵一兩茶匙,相信煮唔到咁少,是否可預先煮多少少分開嚟食?要點儲存?人奶是否每次加入?
4. 是否於餵奶前俾bb試食?而奶的份量維持不變?(bb每次約飲180-200ml)
5. 可否同時俾果汁bb試?果汁要加水嗎?份量又應如何?
6. bb宜家便便係啡黃色水狀,轉米糊後會否改變?點先算有問題便便?
好多疑問,謝謝解答!