舊年一次偶然機會下認識本會,見有嬰兒展義工招募,諗住同老公一齊參加,之後又參加埋第一屆集體哺乳,記得舊年參加人數約有三十個,我地一班媽媽寶寶坐喺台上,我個女當時九個月大,在台上勉勉強強食左幾啖就探頭出來周圍望,今年,我再一次參加集體哺乳，唔同既係，今年既參加人數真係比上一年多左好多，我地由台上搬到落台下都差不多坐滿，我個女今年廿一個月，同往年一樣，佢周圍走，唔肯食奶奶，但我都坐左一段時間，以支持呢次活動，返到屋企，我老公問我出年仲會唔會參加，我話，如果亞女一日未戒，我一日都會參加，而且我會叫埋剛生產同將會生產既朋友到時一齊出席，亦會鼓勵佢地餵哺母乳，同我一齊分享母乳既好處