我個仔就黎三個月,我都返左工差不多一個月.BB日頭由我99照顧,我返工就泵3次奶比佢.但係我99成日投訴BB食得少,唔肯食奶樽.有時飲少少就扭計,唔肯飲.但係如果真係好肚餓先會飲.我計過佢飲的份量係少過我泵出黎的份量,有時飲少50ml,有時飲少120ml.但係佢一出世都有飲開奶樽,未返工前,我因為要習慣泵奶,所以一日都有幾餐比奶樽佢,佢都食得好好.但係依家返工,我就剩係返工時泵,同個仔一齊就一定係埋身餵.
想問下: BB係咪大左會知道埋身食同奶樽係唔同,所以唔再肯食奶樽?如果隔5,6個鐘先食一餐又有冇問題?因為如果佢好肚餓就肯定會食,但係會同之前嗰餐隔好耐,會唔會對個胃唔好呢?
另外我自己認為BB扭計未必一定想食奶,就算有索食的動作都不一定要食,可能只係想啜媽媽奶頭,有安全感D.我既諗法啱唔啱呢?如果真係咁,比佢食奶咀會唔會冇咁扭計?但係我又怕佢會有乳頭混淆,又怕佢啜慣左,好難戒.