You are here在職媽媽

免費索取 育嬰手冊

在職媽媽


[B計劃之媽媽分享] Winnie Mama(空姐)

By ceciblau - Posted on 14 七月 2015

[B計劃之媽媽分享] Winnie Mama(空姐)除了參與昨天港台「思潮作動」分享經驗外(重温:http://bit.ly/1HuVMZC),亦寫了一些鼓勵說話給大家:

我係一位空姐媽媽,餵哺母乳17個月(仍在哺乳),囝囝6個月後復工,最初返工都以為會好難維持,自己一路諗,希望餵到幾耐得幾耐啦,完全唔知飛緊時點處理啲奶,同點樣泵奶,於是我周圍問同事,發現原來身邊都有好多同事餵奶,教我好多處理方法,我先可以維持到而家!

當中都有困難,好似無時間泵,因為機上太忙,而且亦沒有一個位置可以泵奶,除左長途機可以在機員休息室泵,其他地方就係廁所,但為左維持奶量有時候都要被迫係機上廁所泵,最後由於衛生問題,泵出黎既奶都冇要到!

去到外地泵奶,有時酒店房間雪櫃唔夠凍,要落去問酒店員工幫忙雪奶! 雖然有好多難關,但幸好身邊既家人同事都好支持,我先可以順利持續餵哺!

想帶一個message 比所有在職媽媽,好多人以為返左工,就好難維持,無時間,無地方泵奶係一個重點,但其實只要自己勇敢前行,同公司講你的需要,同同事解釋清楚,相信好多人會明白同支持!唔好咁易受其他人影響!要相信自己同BB!

餵哺母乳係一件非常正常既事,係同BB最親密既接觸,只有媽媽先可以做到同俾到BB最好既野!希望社會更加多人會明白, 同支持!得到更多餵哺既知識!媽媽加油!

【午間講座】哺乳成功秘笈之職場全攻略

By Vicky Tsang - Posted on 29 十一月 2014

由灣仔區議會及循道衞理中心合辦之午間講座,本會委員廖韋欣(Kiwi Liu)將應邀於12月9日下午1-2時分享「哺乳成功秘笈之職場全攻略」,Kiwi本身亦是灣仔區上班一族,灣仔區母乳媽媽或正懷孕的您不容錯過,大會將提供午餐乙份。今天起至12月1日於下午3前致電25272250報名,費用全免。詳細請參閱海報或致電25272250

星期二檔案 - 母乳革命 (2014年6月10日)

By Vicky Tsang - Posted on 19 七月 2014

奶水不足或工作影響 母乳餵哺難持之以恆

By admin - Posted on 27 二月 2014

自由分類

摘自星島日報

本港母乳餵哺率近二十年大幅上升,但大多母親難持之以恆,半歲嬰兒的全母乳餵哺率下降至百分之二點三,最常見的困難包括奶水不足和母親工作影響。

最新一期《非傳染病直擊》探討本港的母乳餵哺情況,發現本港初生嬰兒的母乳餵哺率,由一九九二年的一成九,大增至前年的八成六。不過,以前年出生的嬰兒為例,六成九母親在嬰兒出生首月餵哺母乳,只有兩成二是以全母乳餵哺,比率更在半年內下跌至百分之二點三,遠低於澳洲、美國、台灣等地。

衛生防護中心引述研究指,醫院在孕婦產子後盡早讓母嬰有肌膚接觸、母嬰同室、母親按嬰兒需要餵哺等,均是有效延長母乳餵哺期的方法;相反如起首即以配方奶粉作補充,會縮短母乳餵哺期。以母乳餵哺三個月以上的嬰兒,他們在出生首半年因呼吸道和腸胃感染而住院的風險,分別降低三成六和四成九,並減少嬰兒猝死症的風險達七成三。

[此乃參考之作用]

母乳的「功」與「勞」

By admin - Posted on 09 十月 2013

文/Fanny Cheng

現在囡囡8個月大(全人奶),雖然還有很多媽媽比我餵得更耐,但我也想在此分享一下,尤其是想分享給將會想餵母乳的準媽媽!

一開始有左BB已經打算餵母乳。

懷孕5個月:
已經買定咗個二手奶泵(準備第時返工用)。買左3本餵母乳的書,另外1本QE出,1本衛生署出的母乳餵哺書,共5本,一得閒就睇!

懷孕6個月:
成為香港母乳協會會員,上定關於餵母乳的堂,上堂學的東西很實用,在餵母乳的路上有很大幫助。

跟住整個懷孕過程:
繼續買定餵奶巾、儲奶袋。同定我媽媽講我要餵母乳的決定(佢又「倒我米」又打擊我)。睇左好多 website,成日上bk母乳版吸收知識。

BB出世前都有諗過買唔買定鑵奶粉喺屋企看門口,但後來為表自己的決心,唔俾自己有借口,最後一罐都冇買(我都覺自己好堅)。

BB出左世,體重得2.52KG,成長線得5%。仲記得係醫院餵奶餵得好密,基本上去個廁所都唔敢去得耐,怕bb喊食時會吵醒隔離。最癲係在醫院一日食足16餐,我都唔知自己加埋瞓左幾多個鐘,支持餵母乳的姑娘見到我咁都睇唔過眼,問我使唔使補一餐奶粉,俾我一口拒絕!

BB出院嗰陣,黃的指數差2度就唔可以出院!(我都知餵母乳黃會退得慢d。)

出院第二日去健康院,BB體重增長速度仲快過收水速度,結果就好似冇收過水咁,體重增長理想!至於黃疸指數,只用左3次appointments 就ko左!每次去指數都大跌,每次醫生都以為部機懷左!

坐月期間不斷埋身,每日大約11至14次(滿月前),之後都keep住每日最少8次。

直至開始要返工,先開始泵奶儲奶,每日大約埋身3次,泵3次(為keep奶量,其中一次半夜3點較鬧鐘泵)。

現在,冰箱常存有70包冰奶,冰奶多得未過期就已經要俾BB沖涼,BB從未飲過冰奶,亦未飲過一啖奶粉。是我天生富有嗎?當然不是!只是我比別人有充足的準備,「硬頸」嘅精神,凡事起頭難,但只要為咗BB努力,過咗一段時間,條路就會好行好多!BB由出世5%o既體重已經增到45%,變成「肥妹仔」,出街成日被人叫「節瓜仔」。體重增長得咁好,黃又退得快,是我幸運嗎?不是,是母乳的功勞。

現在我是在職媽媽,但我的工作不能常常俾我定時泵奶,有時要處理突發事件連泵奶時間也沒有,有時還要上下午相隔很遠的地區返工,大熱天時拿著一大袋泵奶工具周圍走(還要攞著自己的制服和鞋周圍走),常被同事笑說我是一個「大陸婆」,不辛苦嗎?看見BB就不辛苦。

現在,那個常常打擊我及「倒我米」的我媽媽,被我「潛移默化」洗腦之下,也就變成了一個幫我周圍推廣母乳的好婆婆,佢仲叫我餵到BB兩歲呢!至於我老公,當然是那個默默支持我的那一個吧。

最後我繼續努力落去,大家也要一同加油,宣揚餵母乳的好處,為BB提供最好的。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?