You are here[B計劃之媽媽分享] Winnie Mama(空姐)

免費索取 育嬰手冊

[B計劃之媽媽分享] Winnie Mama(空姐)


By ceciblau - Posted on 14 七月 2015

列印版本列印版本

[B計劃之媽媽分享] Winnie Mama(空姐)除了參與昨天港台「思潮作動」分享經驗外(重温:http://bit.ly/1HuVMZC),亦寫了一些鼓勵說話給大家:

我係一位空姐媽媽,餵哺母乳17個月(仍在哺乳),囝囝6個月後復工,最初返工都以為會好難維持,自己一路諗,希望餵到幾耐得幾耐啦,完全唔知飛緊時點處理啲奶,同點樣泵奶,於是我周圍問同事,發現原來身邊都有好多同事餵奶,教我好多處理方法,我先可以維持到而家!

當中都有困難,好似無時間泵,因為機上太忙,而且亦沒有一個位置可以泵奶,除左長途機可以在機員休息室泵,其他地方就係廁所,但為左維持奶量有時候都要被迫係機上廁所泵,最後由於衛生問題,泵出黎既奶都冇要到!

去到外地泵奶,有時酒店房間雪櫃唔夠凍,要落去問酒店員工幫忙雪奶! 雖然有好多難關,但幸好身邊既家人同事都好支持,我先可以順利持續餵哺!

想帶一個message 比所有在職媽媽,好多人以為返左工,就好難維持,無時間,無地方泵奶係一個重點,但其實只要自己勇敢前行,同公司講你的需要,同同事解釋清楚,相信好多人會明白同支持!唔好咁易受其他人影響!要相信自己同BB!

餵哺母乳係一件非常正常既事,係同BB最親密既接觸,只有媽媽先可以做到同俾到BB最好既野!希望社會更加多人會明白, 同支持!得到更多餵哺既知識!媽媽加油!

Facebook Comments Box

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

追蹤我們

Facebook專頁 哺乳學堂@Youtube 訂閱RSS


加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?