哺乳學堂App教你點餵B

列印版本

摘自都市日報

餵母乳對好多新手媽咪嚟講都係一項挑戰，點抱B、點餵B都係大學問，好多媽咪一開始就「揦手唔成勢」，唔小心仲搞到BB濁親，可大可小㗎！

香港母乳育嬰協會就整咗個「哺乳學堂」手機App，教啲媽咪點樣正確餵哺母乳。個App之前淨係得IOS版本，都有成一萬人下載過㗎；依家有埋Andriod版本，咁各位媽咪，仲唔快啲下載？

開個App嚟睇，真係好多有用嘅資訊喎，好似有哺乳技巧影片、50條最常見嘅餵母乳提問，同埋香港育嬰間位置咁，睇完呢啲資料直情好似上完堂咁實用！

原來嗰50條問題，係最多新手媽咪打去輔導熱線問嘅問題，好似返工點擠奶、儲奶，媽咪飲食對母乳有冇影響等等，全部都會由顧問醫生回答，包保資料冇錯㗎！媽咪同BB都放心啦！

[此乃參考之作用]