BB出世已第6日,BB一出世係醫院開始飲人奶,頭幾日好似無乜人奶,直至琴日開始有,泵出嚟大約有40ml。但第2日未出院時係醫院發現BB痾粉紅色尿,問過姑娘,姑娘話因為唔夠水/奶,建議我餵多啲。返到屋企KEEP住2-3小時餵一次。直到琴日晏晝BB都仲係痾粉紅色尿,咁岩醫院打電話嚟跟進餵人奶情況,姑娘建議補一餐30ml奶粉,補咗之後好好瞓,完全無乜點醒過。之後我繼續埋身餵(因為之後都唔肯飲奶粉),但琴晚都仲有粉紅色尿,應該點做?
除咗痾粉紅色尿,其實一直唔夠濕片,但大便KEEP住有。
另外,BB經常食食下奶就瞓著,食完又要扭好耐先瞓,一瞓自己張床就紥醒,應該點做?