本身陀住BB時已經決定餵人奶, 但生左BB後始終都係敵不過屋企人既說話, 心灰意冷之下餵左3個星期就轉左全奶粉
而家BB已經3個半月大, 難得情緒真係平伏返哂我又好想再比返BB食人奶, 同屋企人傾過佢地都好支持, 冇再好似之前咁講咁多反感既說話
試過就咁擠乳頭都仲有少少奶, 於是我早兩日開始就再比BB埋身食, 但因為已經返返工, 實在冇可能餐餐都比佢埋身, 所以我就泵奶啦
啱啱今日開始喺公司泵奶, 發現原來已經冇奶咁滯... (好傷心 )
其實3個月冇餵過人奶, 而家我仲有冇機會/可能餵得返?
又可以點樣幫返自己去餵返人奶?