10個月BB 唔肯飲泵奶 好苦惱~

BB 10個月了, 出了兩隻牙仔, 全人奶。

除了我返工的時間由婆婆餵泵奶及粥仔外,

其他時間都係埋身餵。

兩星期前,突然奶量少了(因為月經來),
所以開了包後備冰奶比佢飲,
但由那天開始就連平日飲開的雪奶都唔飲了!
只肯埋身飲奶。

試過用奶樽、杯、吸管等方法都唔得,即泵即餵都唔得,
溝落蘋果蓉、粥仔都唔飲。

其實都有兩至三餐固體做正餐, 仲有麵包和生果做小食,
但日間唔飲奶可以嗎? 我唔想用奶粉代替日間的泵奶。