噚日講開立法會議員向政府當局提出2000幾條有關預算案嘅問題,Emily噚日就收到部分問題嘅答覆,當中除咗有唔少有趣數字,仲可以睇到議員關注嘅議題十分之「無微不至」。
以民協馮檢基為例,佢堂堂大男人,但就好關心女公僕嘅權益,問政府會唔會考 慮為公務員和非公務員合約僱員提供額外嘅有薪分娩假、哺乳休息時間同埋專用哺乳間等等,認真體貼!
而政府回覆就話,現時連續服務達40個禮拜嘅女性公務員,可獲放10個禮拜全薪分娩假,若獲醫生建議放超過10個禮拜,就可以再獲准放無薪分娩假,或選擇先放已賺取嘅有薪年假。至於非公務員合約嘅僱員就無咁好待遇喇,要由部門首長自行決定係咪畀佢哋全薪分娩假期。對於阿基建議嘅哺乳休息時間,政府就話暫時無咁嘅計劃喇!
來自明報新聞 [4] [此乃作參考用途]