You are here討論區 / 新手媽媽的疑問 / 四個月厭奶?
阿B四個月, 全人奶, 之前一直食得同重得好好, 呢幾日忽然每餐都食少左, 無論喂泵奶定埋身喂都少左一兩安, 但係半夜仲會醒來扭奶食. 唔單食唔好, 訓都差左，兩個鐘要醒一次，有時醒左唔喂奶就訓唔番，大聲喊，以前食一餐夜奶，宜家要食兩三餐，但係其實佢好眼訓，所以食幾啖就訓着，一兩個鐘之後又醒。早上又鬼甘早醒，仲好精神，見到人就笑，但係我倆公婆都無覺好訓啊！！
甘呢D真係厭奶既症狀？夜晚肚餓？點解會甘醒訓架？關唔關食人奶事？點算啊？
如果真係厭奶期，請問會last幾耐呢？應唔應該比米糊或其他副食品佢食？
睡得不好，而原先又不是這樣，首先要弄清有否身體不適有疾病，或太冷太熱肚仔痛等，起碼安心先。
四月大常醒其實也很常見，尤其白天活動多了，晚上不能放鬆也有可能。可以試下各式relax的方法，如按摩，播音樂等。
也可學會躺下來餵，以及同bb一齊睡，那便可以在bb開始有點聲時餵他，使他快些安靜，媽媽又可以一齊瞓番，又吾會嘈醒家人。
健康院姑娘都話佢可能日頭八卦，挂住玩，唔願食，等到夜晚補番．普通tricks例如dim light同安靜環境喂都試過啦．其實我最擔心唔係佢唔夠食，因爲so far即使難喂，但每餐都tum到佢食5,6安．我最無奈既係佢既訓覺問題，點解夜晚會醒得甘密同食甘多夜奶架？D睡眠質素甘差點搞？好似尋晚，我同老公都醒５，６次，我就埋身喂左三次．不單我地辛苦，我見阿B都幾辛苦，半夜醒左就點床點席，又done腳仔，又番身，又３６０度甘轉，有時大聲喊，已經比奶咀同拍拍架啦，都唔得，都唔知佢要點，就來比佢玩死！
咁精靈呀? 使咩驚佢食吾夠啫.
大左就吾一定好似以前咁食好耐至夠飽既,可能係八八卦卦,顧住望物二d野,心野都吾定. 而且,夏天出汗多,快d肚餓都吾定呢?
訂閱RSS
訂閱電子報
阿B四個月, 全人奶, 之前一直食得同重得好好, 呢幾日忽然每餐都食少左, 無論喂泵奶定埋身喂都少左一兩安, 但係半夜仲會醒來扭奶食. 唔單食唔好, 訓都差左，兩個鐘要醒一次，有時醒左唔喂奶就訓唔番，大聲喊，以前食一餐夜奶，宜家要食兩三餐，但係其實佢好眼訓，所以食幾啖就訓着，一兩個鐘之後又醒。早上又鬼甘早醒，仲好精神，見到人就笑，但係我倆公婆都無覺好訓啊！！
甘呢D真係厭奶既症狀？夜晚肚餓？點解會甘醒訓架？關唔關食人奶事？點算啊？
如果真係厭奶期，請問會last幾耐呢？應唔應該比米糊或其他副食品佢食？