You are here討論區 / 早產及0 - 2 個月寶寶 / 6日BB的餵奶疑問

6日BB的餵奶疑問

2009/06/02/ - 22:42

purpurchi

Member: 432

Joined: 2009-06-02

列印版本

大家好~ 我阿囡剛出生6日, o係醫院既第三日, 醫院話阿囡跌磅差不多10%, 又話阿囡黃, 要我補奶粉, 我十萬個唔想.. 不過都冇得我揀, 到第四日好彩比我出院~ 我覺得跌磅可能因為當時未上奶...但係佢地比左好多壓力我, 令我好depress~ 現在番左屋企感覺好左... so far都上到奶, 大概3個鐘餵一次, 每次盡量餵45mins, 夜晚甚至試過4個鐘, 因為阿囡訓得好"林", 唔想嘈醒佢~ 不過有姑娘同我講, newborn bb 要每兩個鐘一次, 今日下午試過, 整醒阿囡食, 不過佢食10mins 就訓, 變左下一次再食要等耐左佢先醒, 我反而覺得效果唔好~ 請問大家有咩餵 newborn baby 既心得可以分享下? Thanks!!!!~

列印版本

2009/06/02/ - 23:37

洋洋媽

Member: 9

Joined: 2008-07-07

家裡多個小寶寶,一定會為家人添來不少歡樂的.只是初為人母,

家裡多個小寶寶,一定會為家人添來不少歡樂的.只是初為人母,除了餵奶這動作未曾實習過之外,於一個新手媽媽要照顧一個新生嬰來說,幾乎樣樣都是新事物,bb又每分每秒有新反應,所以難免妳會有點頭暈轉向.

1) 由於人奶比奶粉易消化及易吸收,所以吾使三個鐘就會消化晒.
2) 另外,因為bb響媽媽肚內吾係用個咀來食野的,所以有機會吸啜得吾夠好,咁會影響佢既食量.但係勤d餵,俾bb多d學習埋身食奶既機會,對佢食奶有幫助,對妳上奶亦都有直接幫助.
3) 有黃的bb會特別懶瞓豬,妳吾整醒佢,佢有可能係咁瞓,吾記得要靠把口黎食野架.食得少,排便吾夠,退黃也差d.同埋最驚佢食得少,重吾夠磅時,d 醫生同姑娘吾滿意,又係會叫妳加奶粉架.
4) 響餵奶時,要觀察bb佢食奶的動作: 咀仔要張到好大,雙唇翻開吸住媽媽的乳暈(吾好淨係含住個乳頭,咁係食吾到幾多奶既啫),認真吸啜係連腮都會郁架.中間稍有停頓換氣係會,但係吾好俾佢瞓超過兩分鐘,佢一瞓冧了,好難整醒架.
5) 亦都可以餵奶時,俾少d衫bb著.因為暖粒粒,佢又係好易就瞓著架喇.

新生bb幾乎每日都在變,離開了那讓他/她住了十個月的媽媽子宮,他/她都需要時間去適應啊.我們也得體諒他們在這"適應期"的表演,有時會好可愛,有時會令人不知所措.不過,這些都會成為妳將來向朋友/家人,甚至在仔仔女女大個時,所懷緬的溫馨回憶.