如何可以再上奶?

要重新建立奶量有多個方法。都要一點努力及支持，只要妳想，是可以做到的。

改善吸吮及餵奶姿勢，以免乳頭受損，及確保bb 吃到奶。

每天餵8-12次，即每1.5-2小時一次，晚上最少每3小時一次。吃清一邊，再吃另一邊，使兩邊都有足夠刺激。
當bb吃得慢下來，便用手擠奶，給多點奶來令bb加强吸吮。
利用專用的幼管來補奶，邊吸邊補奶。
如bb未能常常吸吮，便可租電動雙頭pump來pump奶。

多喝湯水及多奶茶。

可先給bb一些奶粉，之後才餵人奶，可以令bb多吮一些直至吃完。

不能一下子減奶粉，要慢慢減，例如每餐減半安。留意每24小時要有5-6塊濕片以確保夠吃。

這麼多方法不必全部去做，妳可以視乎情況，自己決定。

如果佢肯你可以俾阿b埋身啜5-10分鐘才補奶粉的，另，仲有一個方法，有一種奶瓶連著條幼膠管，將幼管貼在乳頭則，當阿b埋身吸啜時，也有奶粉吃到，以鼓勵佢吸啜耐一點。不過，有些bb多了條管是不肯埋身食的。

我最近曾經試將bb埋身餵,佢都有啜,不過因為回左奶,佢啜唔到有野到肚就開始喊

我應該試俾佢啜幾耐先用奶樽俾少少奶佢好呢?

停了再餵返又成功的例子當然是有的，不過，你可以成功與否，就沒有一個肯定的答案，只可以係試，同埋你要有心理準備會較你現時餵奶粉辛苦很多的。

首先，要同阿b戒了個奶瓶(用匙餵奶)，要教返佢埋身吸啜的方式。同時，你亦要增加返乳房的刺激，一般來說，2個月大的bb，都要2-3小時吃一次。因此，你起碼每2-3小時便要有一次埋身餵哺，如bb未可以配合，那都要用奶泵來泵奶以提升奶量。

同時，因阿b食開奶粉，你不可以一次過減奶粉的量，因你的奶量未必可以即時提升的。你亦可以試下一邊泵奶，當有奶留出時，就抱阿b埋身吃，因有奶出的關係，阿b肯啜的機會是較大的。