補奶轉全人奶

其實你幾多個鐘餵一次，幾多個鐘泵一次？
我BB兩個月時都仲係2～3個鐘內餵一次，
你試下餵密D，同埋埋身餵可以唔計時，
只要BB喊就餵下佢，佢瞓左由佢瞓肚餓就會喊要飲，
如果BB一路飲一路喊，有可能係眼瞓多過肚餓，
亦因為BB喊唔一定係肚餓，所以你餵完佢奶粉佢都係咁喊，
佢可能要人陪，要安慰，或大小二便都會喊，
而有一些BB係無論你做乜都好都係會喊，
呢個時候可以做就只有俾佢吸啜乳頭，
如果佢要吸啜先瞓到，你可以試側餵，餵到咁上下見佢真係瞓著就輕輕起身離開等佢自己瞓。
不過有好多兩個月大BB的睡眠仍未定時，好正常。
至於泵奶，一個口岩胸型的奶泵係好重要，
我都試過唔同泵真係有唔同效果，最好買喇叭有得選大小的牌子，真是差很大。
同埋媽媽可以試一邊餵另一邊同時泵，
唔好以為泵左出黎個胸冇儲貨俾BB，
其實BB食一邊都可以的，胸內的奶飲晒，個胸就會一直製造後乳。