You are here討論區 / 早產及0 - 2 個月寶寶 / 餵奶問題

餵奶問題

2014/11/03/ - 12:41

寧寧媽

Member: 5345

Joined: 2014-11-01

列印版本

因為自己身體健康問題，bb 出世後未能經常餵人奶，直至 bb 3 週大先可以多 d 埋身餵，但嗰時已經追唔到佢要食嘅奶量，埋身後要補奶粉。依家 bb 7 週大，埋身餵完由開始補 2 安奶粉變補1安，食得專心時甚至可以唔需要補。但我想請教一下以下問題：

1）可以點樣再增加多 d 奶量呢？其實我每餐都先埋身餵，每邊都俾bb 最少食 20 分鐘，如果佢肯啜同啜得好有時會多過20 分鐘，但係奶量都係未夠佢食，定還是佢當左我係奶嘴呢？

2）埋身時 bb 一開始啜嘅時候乳頭會有痛楚感覺，但幾秒後就冇事，請問這樣正常嗎？會唔會因為我自己乳頭短所以會痛？

3）bb 有時食奶唔專心，有時會郁身郁勢，甚至佢會啜住乳頭向後扯，會否因為唔夠奶或者出得慢呢？有咩方法可以令 bb 食得好 d 呢？

4）我自己左邊乳房明顯比較多奶，應該先食多奶嗰邊呢，定還是先食右邊，等 bb 啜多 d, 刺激奶量多d呢？

5）我每晚泵奶，最多都係得 2 安奶，我怕 bb 一路長大就唔夠食，係咪每餐食完最好都泵一泵奶，刺激多 d 造奶多 d 呢？

比較多問題，唔好意思！

列印版本

2014/11/04/ - 00:18

Vicky Tsang

Member: 4918

Joined: 2014-03-17

你好 1)鐘意吸啜係BB本性，你可以試下埋身每邊20分鐘之

你好
1)鐘意吸啜係BB本性，你可以試下埋身每邊20分鐘之後甩咀掃下風睇下佢有咩反應，有如果佢冇兩頭拎搵乳頭就可以唔需要補奶/再餵。
你而定每次補一安可以再減，例如而家每日8餐各補一安奶粉，你可以減其中兩餐唔補。咁做可以令BB下次食奶時間快左，比你刺激多D。
你亦可以試下每次埋身左右左/右左右咁餵，你餵一邊時其實都刺激另一邊做奶架。
2)正常，乳頭短媽媽平時乳頭D皮膚唔受到磨擦所以較敏感。之後習慣左就唔會。
3)拉扯乳頭係佢刺激緊奶陣/D奶出得太快佢吞唔切，如果佢嫌慢你可以試下搓壓乳房等D奶出快D。如果係奶陣時(你感覺到乳房好脹、佢啜同吞得好急)你可以挨後個人等D奶出慢D。
4)餵邊一邊先冇一定，如果想追奶最好先比少奶果邊佢啜耐D。
5)埋身再泵到2安好好架喇，如果BB埋身育啜係最有效，但奶粉量要慢慢減少比時間身體調節。如果佢唔肯啜，你而家每次有補奶粉果次泵番奶咁身體就知唔夠奶要再做多D。