奶量既困擾

列印版本

阿囡個半月大，奶量問題由佢3星期大左右愈黎愈困擾我。
頭個幾月我一直都堅持埋身餵，因為大部份既媽媽都話埋身上奶最好最快。但係，大概佢3星期大左右，開始感覺到唔夠奶俾佢，原因係佢可以食足一個鐘（真係有吸食），放低最耐半個鐘又要再食過。基本上未試過超過1個鐘食第二餐，試問如果佢夠飽，點會咁快又要食？
呢個情況一直由佢3星期大持續到宜家，最終因為實在心力交瘁，最近呢幾日開始餵2餐奶粉，等自己可以休息下亦都有少少奶可以儲（好快要返工）

我已經好勤力咁餵，半夜佢食少少就訓都會堅持泵清先，d所謂上奶谷奶既湯水都有飲，我真係好唔明白點解一直都無辦法增加奶量（到目前為止最多只泵到100ml左右，仲要係大概4-5個鐘無餵無泵之下，但囡囡一餐樽餵已食到4安幾）

我由懷孕既時候已經決心餵媽媽奶，發展到宜家呢個情況，真係好唔開心、好抑鬱。。。我唔知仲可以捱到幾耐