You are here討論區 / 早產及0 - 2 個月寶寶 / 儲奶及戒夜奶問題

免費索取 育嬰手冊

儲奶及戒夜奶問題


waiwaigraz
waiwaigraz 的照片
Member: 5257
Joined: 2014-09-26
列印版本列印版本

因為11月要返工,所以宜人要開始儲奶,但被以下問題困擾,請幫忙解答。
囡囡個半月,樽餵食差唔多5安,但我係超級窮媽,試過出街大概6個鐘無泵,返到屋企極其量只泵到5安。宜家佢大概2~2.5 小時食一次(樽餵),即係我2餐既時間加埋只夠佢食一餐。

基本上我係全埋身既,只係我出左街就會將之前努力儲落既雪奶俾bb食。

1)基於我一般都係埋身餵,之前都係盡量俾bb 食一邊另一邊泵(最多只泵到大概2安)。雖然聽講埋身的話bb啜極都會有,但我發覺好似令到佢好唔夠飽,食完一個鐘又要食,令到我根本上唔切奶,而密密餵亦唔覺有令奶量增加,請問可以點做?

2)我試過餵既同時另一邊泵,但都只係得1安多小小,仲要好難同時handle 兩邊,其實咁做會唔會對增加奶量有幫助?

3) 我大概生完3星期就泵到100ml, keep 住餵人奶亦都係埋身,但宜家奶量好似反而跌左,點解會咁?

4)基於以上情況,我幾乎2日慢慢儲先夠佢食一餐,到我要返工都唔會夠存貨,我好想俾全人奶,請問有咩方法可以幫到?

5)另外,餵人奶係咪要等bb自然戒夜奶?有朋友教最後一餐加奶粉等佢食飽d,就會訓耐d,但就無左全人奶既意義,同埋會唔會再食大佢個胃?我已經唔夠俾佢架啦,佢再要食多d就變左惡性循環 我不要!!!
會唔會有其他方法同佢戒夜奶?

多謝!!

Vicky Tsang
輔導員
Vicky Tsang 的照片
Member: 4918
Joined: 2014-03-17
你好 1)我地乳房係會BB埋身時不停做奶,但如果BB突然食

你好
1)我地乳房係會BB埋身時不停做奶,但如果BB突然食多左或者由食兩邊變食一邊都有機會會出現做唔切奶嘅情(奶係有,不過出得慢)。一般身體需要2-3日時間去調整奶量。
2)泵到1安唔代表你只有一安奶,特別對埋身媽媽黎講身體習慣BB飲先做奶,所以身體唔識做定奶比你泵。而且乳房亦要適應泵刺激冇埋身咁好。
一般建議媽媽返工前兩星期模懝返工時間泵奶,等乳房習慣下。
由於泵奶刺激做奶冇咁好,你可以試下自己引奶陣,請參考Q31. 上班時要擠奶,如何提高噴奶反射?
3)頭一個月身體唔知BB需要幾多奶,所以會做多D再因應佢食量調節,一般奶量調節好佢只會做BB所需唔會做定太多。
4)你而家有埋身所以泵出黎己經係身體比BB食量額外做多左嘅奶。到你返工時BB冇埋身自然你泵出黎嘅奶會多D。
5)食唔食夜奶好睇BB本身,好多食奶粉嘅BB都會食夜奶,補奶粉未必可以令佢唔醒。而且BB食左奶粉會訓耐D係因為奶粉難消化,為左訓耐D而比佢食營養較人奶少嘅奶粉唔係咁值得。但都係睇番媽媽自己決定。好多媽媽分享,BB食過奶粉有種"頂肚感覺"之後好多時會食人奶時要需要食更多去得到果種感覺。而且好多時都未能因為補左奶粉就戒到夜奶。
BB食唔食夜奶主要取決於佢睡眠週期等因素,通常同飽唔飽無關。

母乳專訊派發地點

Vicky

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

免責聲明

本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?