You are here討論區 / 早產及0 - 2 個月寶寶 / bb不停食
bb不停食
呢個情形已經有6、7日，我都已經不停俾佢食，但我仍然未感覺到製造多左奶，如果一直都唔上奶佢係咪會一直都唔夠飽？？ 可以點算？？
你好,
如果BB最近先係咁有機會偽猛長期，一般係3/6/9星期及3/6個月，但每個BB出現猛長期情況同時間都唔同，通常幾日至一星期左右會完。
餵一邊定餵兩邊其實冇一定答案，如果你覺得BB唔夠你就比兩邊佢。
你抱佢就想啜係正常，佢聞到你陣味。所以叫人抱呢個方法最易令媽媽分到佢係想人抱定肚餓。訓左你甩咀就喊係佢發現"唔見左媽媽"，睇黎你BB係冇安全感多過肚餓。
返工儲奶係積少成多架，因為BB全埋身，你泵出黎再泵到已經係身體做多過BB所需。另外，泵奶時可以試下自己刺激噴奶反射，奶量會多D架，可以參考Q31. 上班時要擠奶，如何提高噴奶反射？
Vicky
我宜家驚佢係「猛長期」，總之佢要就俾佢啜等身體製造多些奶，但我又怕其實佢只係當奶咀咁啜住訓，點先可以分別到係邊一樣？？
唔好意思，仲有個問題，每次餵奶，總係要餵到佢訓著佢先唔喊，總之如果我就咁抱住佢（唔俾佢啜）就會喊，但其他人抱可以氹到佢唔喊，點解會咁架？ 
我唔知係咪所講既「猛長期」，佢會食到好似訓著咁，但拎開佢又會醒跟住喊，交俾人地抱佢都會喊同埋想啜下啜下咁，係咪代表進入「猛長期」？
會為持幾耐架？？
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
bb 30幾日人仔，佢宜家成日都要食，每次食成個幾鐘，因為已經唔會好似岩岩出生咁訓咁耐，總之佢清醒既時候就再啜。其實好多時佢都啜到訓，當佢當人肉奶咀既時候我就會唔俾佢食，然後佢會爆喊。有時已經俾佢食左差唔多一個鐘，我就俾其他人抱（費事佢聞到我既味就要啜），但佢依然會爆喊，再俾佢埋身佢又真係會食wo, 搞到我奶奶成日都話我唔夠奶
我應唔應該俾佢不停食？
有時佢已經食左大半個鐘，但無無啦啦食住喊，我按下個乳頭發現按唔到奶出黎，係咪俾佢食晒d奶佢無野吸所以炆憎？
健康院既姑娘話每次只俾佢食一邊，咁可以俾佢食多d後奶飽耐d，但基本上每次我都已經俾佢食一個鐘（佢肯認真啜就會俾佢食），照計佢應該夠飽，但係佢大概1個鐘之後就要再食，又食成個幾鐘，係咪表示我好唔夠奶？？可以點提升奶量？？
宜家我每次俾一邊佢食，另一邊泵出黎儲，但每次都只係泵到好少。。。
人地話只要不停俾bb啜就可以增加奶量，我已經好勤力但都係得好少奶，仲可以點做？？
我希望第時返工仍然可以俾人奶bb食，觀乎宜家既奶量根本無可能，希望可以得到你既建議，多謝！！！