You are here討論區 / 早產及0 - 2 個月寶寶 / 唔夠人奶

免費索取 育嬰手冊

唔夠人奶


Yuyuyeung
Yuyuyeung 的照片
Member: 5275
Joined: 2014-10-03
列印版本列印版本

Bb 22日大,因為開頭住院食左奶樽唔肯埋身,所以泵出來比佢食,開頭都可以全人奶,去健康院增磅都好好。但最近呢排食得好密,唔夠1個鐘又要食,搞到我泵唔切,最後補左奶粉,
但唔知係咪補太多,bb面生粒粒,又成日谷便便好辛苦咁,不過佢日日都有幾片便便出!
如果咁情況 需要比水佢飲嗎?
另外我依家泵得好密,好似奶量都冇多到,大約1-2小時泵一次,隔1小時有1.5-2安,2小時就有2.5-3安士,泵半個鐘左右,bb之前食開3安士,依家根本唔知佢需要幾多?佢試過4安士都食晒。但2個鐘唔夠又想食!1日濕十幾片尿片。總之濕完又想食。我好想全人奶,但我追唔夠比佢。呢兩日補左好多奶粉,好苦惱。。

Vicky Tsang
輔導員
Vicky Tsang 的照片
Member: 4918
Joined: 2014-03-17
你好Yuyuyeung 埋身要慢慢試,唔好放棄,有D

你好Yuyuyeung
埋身要慢慢試,唔好放棄,有D BB會大大下突然識番埋身架。
奶量問題,全泵方法只有泵密D/泵耐D,咁身體先知要做多D奶。夜晚係做奶黃金期,有餵夜奶/夜晚有泵奶奶量會多D架。
另外,盡量唔好超過4個鐘泵一次,如果返工泵唔到咁多次中間去洗手間時手揸少少出黎都可以刺激身體做奶。

母乳專訊派發地點

Vicky

Yuyuyeung
Yuyuyeung 的照片
Member: 5275
Joined: 2014-10-03
依家bb 2個月幾了, 我都開始返工1星期幾了,

依家bb 2個月幾了, 我都開始返工1星期幾了,

我每日泵奶時間如下:
3:30am 100-120ml左右(有時起唔到冇泵)
5:30am (3點幾有泵就80-90ml左右, 冇泵就150ml左右)
8:30am (100ml左右)
1:30pm (140-150ml左右)
8:30pm (180ml左右)
11:30pm (100ml左右)
依家bb每日食8-10餐左右, 每餐3.5-4安士,有2-3餐食奶粉,同埋佢食人奶係好快餓, 1粒鐘就餓了, 我d人奶日日都清晒, 完全儲唔到奶, 想問點樣可以增到個奶量? 我係屋企用手泵,都係30分鐘, 返公司泵果次用電雙泵,泵15分鐘左右,每次泵完都係會手擠多少少, 不過好似越擠越冇咁,bb其實之前已經見左姑娘, 都教左但問題都係唔肯埋身,一埋就喊到超勁, 姑娘都叫我不如直接全泵, 唉, 但我都依家都好想全人奶, 因為之前全人奶都冇超重, 依家加多左奶粉, 前幾日去健康院超左重!不過醫生就話可以繼續比佢食, 唔洗專登減, 因為佢身高頭圍都成正比, 出街見到d人埋身餵,,而我明明有人奶都要變相餵佢奶粉,,個人真係好灰!! 哭泣

Vicky Tsang
輔導員
Vicky Tsang 的照片
Member: 4918
Joined: 2014-03-17
你好, BB正處於猛長期,意思係佢突然生長速度快左需要多D

你好,
BB正處於猛長期,意思係佢突然生長速度快左需要多D奶,有D甚至好似不停食奶咁。由於你泵出黎餵就比較辛苦,你已經做得好好泵得好密,可以試下每次泵奶泵到冇奶出之後再泵多10分鍾,等身體知要多D奶。
生粒粒可能係"胎毒",係唔係好快就散,好快又出過?
某D奶粉係會令BB容易便泌,但BB有飲人奶水份已經非常足夠,唔需要比水佢飲。
返健康院打一個月針時見埋人奶姑娘學埋身,埋身你唔使咁大壓力"追數"。另外,可以參考Q10. 寶寶不肯吸吮乳房,怎辦?盡快轉番埋身。

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

免責聲明

本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?