bb半夜抗拒埋身

列印版本

你好，bb宜家22日人仔，最近發生以下問題，希望可以得到解答：
1）最近2日半夜唔肯埋身食，明明都放入口啜緊，但佢又自己推開，食唔到就發忟，搞到尋晚要開好粉俾佢食先得。佢一離口d好多到噴出黎，相信乳腺無塞，請問點解會咁？
2）本身佢食左邊胸都食得唔係咁好，最近仲突然淨係啜乳頭，啜到好痛（但無整損），就算痛我都照俾佢啜，不過我見到d奶不停咁係佢口邊流出黎（右邊胸唔會），可能亦因為咁令佢唔肯埋身
我點先可以令佢食返好d?
我試過等佢開大個口塞個乳房入去，但佢就會同舌頭頂返出黎.....
有時佢真係食到好痛，但我好想繼續埋身餵，可以點？
3）聽講bb 頭一、兩個月都係食完就訓，但佢最近成日都唔訓，諗住佢扭抱（已經換晒片），但抱住佢都會照喊，屋企人話佢唔夠飽，我試過泵出黎2邊加埋差唔多6安，相信一個月大既bb都會夠食。試過餵佢奶粉（食大概4安）佢會訓得好冧，但食人奶就訓得好差，我已經不停俾佢啜，啜到佢自己離口為止，其實佢係咪真係唔夠飽？如果想繼續人奶路我可以點做？？

多謝