You are here討論區 / 早產及0 - 2 個月寶寶 / bb埋身食奶好慢

免費索取 育嬰手冊

bb埋身食奶好慢


ccm516
ccm516 的照片
Member: 5045
Joined: 2014-06-09
列印版本列印版本

1, 我囡40日人仔,每次埋身食奶都食成個鐘,佢一開始都好努力甘啜,啜過5分鐘到,佢就離口(一路食一唔訓)。我同佢掃風,佢一醒又會再食,就係甘,食下訓下每次食到佢飽,次次都成個鐘,請問有咩方法可改善??

2, 佢食奶時間好亂,特別係12點到夜晚9點,有時餵完,30分鐘後又想食,有時1至2個鐘。我係咪要定好1至2個鐘甘餵佢,唔比佢,佢又勁喊,可以點做???

3,請問奶量係咪跟bb食量,我泵親都只係1安到(2邊加埋30分鐘),阿囡越大,奶量先變多???

Vicky Tsang
輔導員
Vicky Tsang 的照片
Member: 4918
Joined: 2014-03-17
早產BB一般吸啜力會冇足月BB咁好,佢要用更大力去飲奶,所

早產BB一般吸啜力會冇足月BB咁好,佢要用更大力去飲奶,所以有時佢食到訓左唔係食飽係太攰。加上佢黃未退哂,雖然度數唔使照燈但仍然會令到佢好攰,所以食食下又掛住訓好快又要再食。
食無定時其實好多BB都有,BB作息、食奶時間頭兩個月通常都未規律,但咁唔會對佢腸胃唔好,反而FEED ON SCHEDULE某程度係佢餓又唔比佢食、佢未餓又要佢食,反而可能仲影嚮佢。
泵奶你有冇引奶陣(刺激噴奶反射)?奶量會多d架,詳細可以參考Q31. 上班時要擠奶,如何提高噴奶反射?
你可以打協會熱線電話25403282,留低你電話同大概情況,我地會安排義工覆你。

母乳專訊派發地點

Vicky

ccm516
ccm516 的照片
Member: 5045
Joined: 2014-06-09
我囡係早產b, 35週5出世,佢仲有黃,不過指數唔高

我囡係早產b, 35週5出世,佢仲有黃,不過指數唔高 ,大約132,bb食奶一直係甘,所以先甘煩惱。

我泵極都係泵得1,2安,每次2邊30分鐘,我8月中返工,怕返工後唔夠奶比囡食,都諗下要比奶粉!

無定時食,會唔會對佢腸胃唔好?

你指一路食一路r 佢,我有,但都唔訓,啜得唔落力。
另外佢食無定時,我係咪要比佢食,我怕返工後我媽媽幫我湊時難湊

Vicky Tsang
輔導員
Vicky Tsang 的照片
Member: 4918
Joined: 2014-03-17
你好, 請問BB足唔足月出世?

你好,
請問BB足唔足月出世? 有冇黃?BB最近先係咁定一直係咁?
1,你可以試下佢一想訓就R佢耳背/大脾、同佢講野,等佢冇咁易訓著。
2,每個BB食奶模式都唔同,有D未滿月已經好規律,有D到4-5個月都唔會定時。人奶係應該FEED ON DEMAND,人奶日/夜、冬/夏成份都會唔同,只有BB先知佢幾時需要、需要幾多。
3,泵出黎奶量絕對唔等如BB埋身份量,泵係少好多,所以唔好泵得少就 以為自已得咁多奶。好多媽媽"以為自已唔夠奶就係用泵去"計",其實只係有奶拎唔到出黎。

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

免責聲明

本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?