BB少大便，又經常哭鬧

咁睇bb都食得夠。
日夜調轉係好常見嘅，你可以試下日間盡量多d陽光入屋（陰天就開燈），多d聲（屋企冇咩人可以開收音機、電視聲）；夜晚就盡量唔開燈（開暗燈），靜d。咁做可以幫佢地分日、夜。
另外bb夜晚食多d奶、食密d都係正常架，因為媽媽泌乳激素夜晚多d，所以bb為配合幫媽媽建立奶量（通常頭個零兩個月）夜晚會食得密d。
肚仔有屁係正常，因為消化奶過程會產生氣體，如果你覺得佢好似好唔舒服可以試下順時針方向圍住肚臍幫佢按摩下肚仔。
有d媽媽會發現食完某d食物（常見係洋蔥、辣野、牛奶）後bb會特別多風，咁媽媽就可能要忍下口。如果媽媽食咩都差唔多咁就唔關媽媽飲食事喇。

Vicky

我個寶寶，佢最近一日一次或兩次，會放個大屁，之後有少少便便跡
每次放屁都比較長，所以感覺好似肚仔好多風

你所講兩個達標的原則都達到
不過晚上食完奶奶掃風後就眼光光，一放落床就喊，喊到面仔紅哂
試下換片，有少少幫助，之後喊一陣又想食奶奶，所以佢冇訓過，都唔知得唔得

佢好似日夜調轉左咁，有咩好辦法可以慢慢調節佢？
另外，肚仔多氣頂住又有冇辦法令佢舒服一點呢？

老人家話，媽媽的食物好影響寶寶食的人奶
咁食咩野可以令佢冇咁多肚仔氣呢？

你好,
請問bb大便少左之後有幾多次?
一般半個月大,如果食得夠嘅bb每日最少會有6條濕片(小便)及3條髒片(大便),但亦有部份bb會由兩星期左右開始大便可能每日只有1-2次,甚至2-3日一次。
所以除左大便次數,爸爸可以留意bb有冇達到以下兩點,如果以下豕點都"達標"就代表bb食得足夠。
1.在吃完母乳後表現滿足的樣子，能睡上1-3小時（但首週餵哺時，每1-2小時餵一次是正常的）。
2.出生約1-2週後，寶寶的體重會逐漸增加，達到生長標準。全母乳的嬰兒每週平均可增磅125克，每月可增長0.5-1公斤。

bb夜晚喊嘅情況都好常見,其實可以有好多原因,較常見嘅係冇安全感(eg,抱住就唔喊)、日夜調轉(日頭可以訓好耐,夜晚就成日醒要人陪/抱)、有氣頂住(所以平躺會頂住唔舒服,抱住斜斜地就冇事)...你地可能要仔細d留意同慢慢試佢係有咩需要,我個仔細果陣一著和尚袍就喊(原來佢唔鍾意d繩了住佢); 同埋d被唔可以摭住佢對腳,否則會好忟(我試左好耐先發現到架)。始終佢地起肚裡面住左咁耐需要d時間去適應呢個世界,就係咁小嘅野都可以令佢地唔舒服。你地要加油!