You are here討論區 / 早產及0 - 2 個月寶寶 / 瞓覺及食奶問題

免費索取 育嬰手冊

瞓覺及食奶問題


Gladys mama
Gladys mama 的照片
Member: 4949
Joined: 2014-04-06
列印版本列印版本

你好,囝囝7週大,食母乳(有時會補1-2次奶粉(一星期有1-2次),因為有時我午睡時,家人靜靜雞比左d奶粉囝囝飲)有以下問題:
-全日瞓得好少(唔夠10個鐘)又瞓唔冧,一放落床就喊,瞓得最耐個次都係得3個鐘(一日裏面得1-2次係咁),其餘時間都係放落床後5-10分鐘後醒,醒左就喊,就算抱都係咁喊,要啜先至瞓番,抱住至可以瞓得耐d,半夜到4,5點都唔肯瞓,究竟問題係邊?
-食奶個度好似食極都唔飽咁,我每次餵一邊,餵30分鐘,不過囝囝未試過自己甩口,因為每次都食到瞓著,要不斷搞佢面珠,耳仔腳仔先再啜幾啖,我根本唔知佢飽唔飽,我試過唔整開佢把口,佢可以啜1個鐘或以上都唔甩口,之後一放落床就喊,又要啜先得,有時隔3個鐘食一次,有時隔半個鐘,1個鐘又食,我已經不停比佢食架喇,不過佢都係咁口郁郁,又食自己手仔咁,佢5週時試過有幾日好定時食奶架,連半夜個餐都冇食,一覺瞓到天光,可惜之後又打回原形,會唔會佢真係未飽所以瞓唔冧?囝囝每日都有6-8條濕片,每次都有便便架,一個月時重3.8kg,個半月時重4.1kg,我估我應該夠奶水卦?咁又係邊度出錯呢?
有時候真係好灰,好似好難湊咁,家人又成日話我唔夠奶比囝囝飲,所以瞓唔冧,佢成日喊,我又唔知係邊瓣,換片,安撫佢,同佢傾計,抱佢,都試過哂,佢都係咁喊,有時真係覺得好無助,希望你地可以比d意見,方向比我,謝謝!

Vicky Tsang
輔導員
Vicky Tsang 的照片
Member: 4918
Joined: 2014-03-17
~每日泵幾多次-->最好跟返工泵奶/餵奶時間,等身體習慣下

~每日泵幾多次-->最好跟返工泵奶/餵奶時間,等身體習慣下。
~泵出黎可以直接做冰奶,或者儲埋一日嘅奶先冰。
~預幾多-->你都要俾bb練習用奶樽,順便試下佢大概食幾多奶。未知之前你做冰奶可以雪d3安,雪d1-2安,咁到時你知識佢大概食幾多萬一要用冰奶就可以因應佢當時食量睇下溶邊包/邊幾包奶
~返工時間泵幾多次-->最理想當然係跟bb大約食奶時去泵(方便放假埋身),如果唔方便就最好唔好超過4個鐘泵一次。
~泵完好少奶-->:泵完乳房係少奶d,個埋身只要bb吸啜身體會即時做奶。
~安撫作用-->當然可以,本身bb係會透過吸啜去攞安全感。睇你點睇,有人覺得奶咀都安撫到,我個人認為我想個仔要安撫揾我多過佢揾個死物。特別對上班媽媽黎講,埋身除左係食奶,仲係一種親子關係!

母乳專訊派發地點

Vicky

Gladys mama
Gladys mama 的照片
Member: 4949
Joined: 2014-04-06
多謝你,我會繼續加油,我仲有d問題呀... 我就快返工(5

多謝你,我會繼續加油,我仲有d問題呀...
我就快返工(5月中),我想泵定d奶,想問而家一日要泵幾多次?泵完可唔可以直接做冰奶?我餵完囝囝再泵得1安半左右(2邊共30分鐘),好似唔夠一餐,我又唔知囝囝一餐要食幾多安奶(7週大),因為而家都係全埋身,點預計呢? 咁我返工又要泵幾多次呢?(工作時間共10.5hrs+2 hrs來回車程)。又如果我泵完後囝囝又要食,咪得好少奶比佢食囉?另外,如果吸啜有安撫作用,咁如果每逢囝囝喊唔停,我都比佢啜,又得唔得呢?因為我發覺我比親佢佢都啜既。會唔會令佢習慣左呢個模式? 謝謝!

Vicky Tsang
輔導員
Vicky Tsang 的照片
Member: 4918
Joined: 2014-03-17
而家只係過渡期,等bb大少少可以每次飲多d奶,你就唔使餵咁

而家只係過渡期,等bb大少少可以每次飲多d奶,你就唔使餵咁密架喇。
生完之後因為受賀爾蒙影響好易唔開心,所以凡事要向好果方面諗。你有人煮下飯比你食已經好好架喇,我自己一個坐月,食咩都要自己煮架。如果發現心情成日唔好、咩都唔想做,下次返健康院同姑娘傾下喇。
你要加油呀!bb好快識得同你玩、對你笑你就開心好多架喇!

Gladys mama
Gladys mama 的照片
Member: 4949
Joined: 2014-04-06
多謝解答,有時真係好想放棄,好似我既生活只有餵奶,換片,又

多謝解答,有時真係好想放棄,好似我既生活只有餵奶,換片,又冇得休息,又要做家務(奶奶淨係會煮飯我食,其餘唔會幫我手),老公又唔係成日陪住我(返夜班多)個人好怯,好似得自己一個對住囝囝,真係好辛苦,搞到個心情好差,又唔想講野,唔想出街,不過我唔甘心,心諗呢度咁多媽媽都捱得過,我都希望自己可以撐得住,希望囝囝一日比一日進步,一日比一日健康,我要努力加油!

wefamily
wefamily 的照片
Member: 4981
Joined: 2014-04-22
我既情況同你一模一樣呀,真係令我好氣餒呀

我既情況同你一模一樣呀,真係令我好氣餒呀 哭泣

Vicky Tsang
輔導員
Vicky Tsang 的照片
Member: 4918
Joined: 2014-03-17
Gladys你好, Bb唔瞓/瞓唔淋可以有好多原因,通常係

Gladys你好,
Bb唔瞓/瞓唔淋可以有好多原因,通常係佢地冇安全感,鐘意人抱住,醒左發現自己起床就驚,有時因為驚所以想埋身安撫下(埋身除左飲奶仲有安撫作用,bb埋身痴住媽媽會好舒服覺得好安心)。
好多人見bb喊、想埋身就會話佢唔飽,其實係佢地唔了解。我屋企人都試過咁靜靜雞俾奶粉我個仔飲,點知佢仲快要食、仲瞓唔淋。其實係佢真係餓要食奶,都係佢鐘意少食多餐。好多奶粉bb都會咁,但d大人又唔會懷疑係唔夠飽。
拉扯乳頭係佢想引奶陣等d奶出快d,係正常架。埋身佢啜就有奶,唔會做唔切奶,如果一個鐘內食就食番同一邊,過左一個鐘就餵另類邊。無論點餵都唔需要擠走前奶。
如果佢突然呢排先食得咁密係佢進入猛長期,需要食多左奶,你照埋身身體幾日就調節到做適量嘅奶,如果補左奶粉,身體唔知bb要咁多奶就愈來愈唔夠。
你要加油!同屋企人(特別係老公)傾下,解釋俾佢地咁係正常。

Apple Cheng
Apple Cheng 的照片
Member: 4978
Joined: 2014-04-20
千萬別輕易放棄!你快會捱過“奶量調整期“,之後便會越來越輕

千萬別輕易放棄!你快會捱過“奶量調整期“,之後便會越來越輕鬆!就黎成功架啦不要功虧一貴呀!我b初時也是如此,叫猛長期會不停要食,正常架!過了之後自然食疏d...

其實片ok增磅又meet standard就冇問題,吃人奶密是正常的因易快消化易吸收…… 吃了難消化的東西才會“滞“住冇咁快餓(奶粉)…… 你仍擔心奶量不足,可於晚上除親餵外再泵一兩次(b吃不清時或谷奶時),日間才休息多一点補番(在床上邊小睡邊餵/或用頸枕坐著睡),因晚上的刺激对造奶很重要;如怕b吃不夠,餐与餐之間不妨補人奶(cup feed or spoon feed你儲了的奶)…… 切勿補奶粉,這是令奶量下降的元兇啊!

Gladys mama
Gladys mama 的照片
Member: 4949
Joined: 2014-04-06
唔好意思,仲有d問題想問,有時囝囝食食下會扯乳頭同發脾氣,

唔好意思,仲有d問題想問,有時囝囝食食下會扯乳頭同發脾氣,谷到面都紅埋,我自己擠過仲有奶出架(奶白色,應該係後乳)點解會咁?有冇改善方法?
另外,如果囝囝隔半個鐘,一個鐘又要食,咁比同一邊佢食定換另外一邊比佢食?乳房會唔會製造唔切奶呢?如果換另一邊,須要擠走前乳嗎? 7週大,仲會唔會一個鐘食一次,正常嗎?
今朝連我老公都勸我比奶粉比囝囝,話食咁密係唔飽既表現,我唔想囉,我好想比人奶比囝囝,我怕繼續係咁,我都會放棄餵人奶,可以幫下我嗎? 謝謝!

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

免責聲明

本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?