You are here討論區 / 早產及0 - 2 個月寶寶 / 餵奶擠奶問題

餵奶擠奶問題

2014/03/31/ - 20:45

teizbaby

Member: 4937

Joined: 2014-03-31

列印版本

我bb 6週大～

問題1) BB遲d 大個會越飲越多，我每日已經埋身10～12餐包括夜晚，都只係剛剛夠食，我怕到時追唔到，點樣可以再多奶d? (魚湯已經日日飲)

問題2) 右邊奶量較多，最多五條奶柱，bb成日濁親喊晒好辛苦，但其實我奶量唔多，一次兩安左右，想有多d 奶，我咁諗係咪唔岩？好矛盾

問題3) bb飲少奶果邊時我會擔心佢唔夠飲，但通常佢啜20分鐘倒會甩咀訓覺，而唔係含住訓覺，咁其實仲使唔使搞醒佢？(咁樣一日食10～12餐)

問題4) 有時我想增加奶量，bb食完左邊訓得著，我就想擠埋右邊出黎，但有時bb唔夠食突然喊醒, 變左我果頭擠完轉個頭又奶樽餵，我其實應該點做好？

問題5) 因為餵人奶按需要而餵，食得咁密點樣幫bb戒夜奶？幾時可以幫佢定時間表食奶？

列印版本

2014/04/01/ - 23:31

Vicky Tsang

Member: 4918

Joined: 2014-03-17

你好，媽媽你唔使咁擔心，我睇你嘅問題你覺得自己奶量唔夠，

你好，
媽媽你唔使咁擔心，我睇你嘅問題你覺得自己奶量唔夠，點解你咁覺得？（bb增磅唔理想？濕片唔夠？）我睇你提供嘅資料其實你係夠奶架！
1）全埋身身體會自己調節奶量，佢食幾多就做幾多，好少會有全埋身媽媽有奶量唔夠嘅問題（通常都係佢地“以為”自己唔夠）。佢而家食得密係因為個胃細同埋要幫你建立奶量，佢愈大個胃大d每次可以飲多d奶就可以隔耐d先食。
2）1-2安你指泵出黎？唔好用泵去“睇”自己有幾多奶，泵刺激遠遠比唔上bb吸啜，如果bb吸啜正確，埋身嘅奶量會多過泵好多。
濁親問題係你d奶出得快，佢吞唔切，你可以餵果邊時瞓起度側餵/挨後個人（半瞓）餵，咁d奶會出得慢d。
3）甩咀瞓即係食飽喇，其實滿左月食20分鐘好夠架喇。唔需要整醒佢。
4）如果你唔需要儲奶返工，全埋身就夠喇，唔需要泵。如果要儲奶返工用，你可以食一邊泵一邊，就算泵左bb埋身都可以刺激到乳房即刻做奶。如果真係bb啜極都唔夠就先補泵奶俾佢。
5）人奶係按需而哺，所以唔應該由大人決定幾時戒夜奶、幾時要食奶。食唔食同幾時食係由bb決定，佢先知自己需唔需要夜奶、幾時要食奶、要食幾多奶。