You are here討論區 / 早產及0 - 2 個月寶寶 / 母乳同bb唔夾？

母乳同bb唔夾？

2014/03/24/ - 06:20

tktwong

Member: 4919

Joined: 2014-03-18

列印版本

我bb剛滿月，出世之後每一餐都盡量俾母乳佢，每次佢飲大概由6至30分鐘，每2個鐘一餐，每日有一兩餐係要飲奶粉,因為唔夠母乳。
大概兩星期前( bb24天)，bb屙左一次泡泡便便，之後麻煩就開始，佢變得好紋，肚仔好硬，放臭屁，同會好似肚痛咁。之後一直都係屙水便便(d水份係俾尿片吸晒，剩下一層薄薄黃色係尿片上，一日有4次。)最後太擔心去睇醫生，醫生話bb有腸胃炎，話可能係母乳有問題(懷疑我nipple唔乾淨，又懷疑我飲食)叫我停母乳，淨用奶粉同米水。 3日後又好似好d.. 便便呈黃色胡仔。我見bb好d.. 我又俾返母乳佢，一開始一日有一餐係母乳，第二日就2餐。昨天係有3餐母乳(2次埋身，一次泵3安)，昨晚又開始有水便便(水便便前一餐係埋身)。屋企人叫我立即停母乳，肯定係我母乳令bb出現問題...又話我母乳同bb唔夾。我真係好傷心，我好想餵母乳俾bb.. 但係唔知點解bb飲完我奶就腸胃炎，我飲食由頭到尾都一樣，每餐都係飯，雞，豬，湯。個nipple我每次餵前都用食水清潔左先.. 我的母乳真同bb唔夾嗎？如果飲母乳會令佢屙，咁我只好停，(我我一直泵住，希望有機會餵返) 因為我真係唔想停母乳...有人可以幫到我嗎？話我知發生左咩事。。。

列印版本

2014/03/26/ - 00:53

Vicky Tsang

Member: 4918

Joined: 2014-03-17

你好，首先，你bb未必真係腸胃炎，我仔仔細果陣有一排都有

你好，
首先，你bb未必真係腸胃炎，我仔仔細果陣有一排都有咁嘅便便，健康院姑娘話係正常。你bb都應該就黎要返健康院打一個月嘅針，你可以影低張相到時問下姑娘/醫生。
再講，就算真係腸胃炎，既然bb有飲奶粉又有飲泵奶，點解醫生唔懷疑係奶粉有問題？奶樽清潔問題？比起乳頭，呢兩樣受污染嘅機會唔係應用仲大咩？
有d醫生可能未必對母乳餵哺有深嘅認識，我試過有醫生話我仔仔每日10次大便係肚痾（當然唔係啦，人奶bb頭幾個星期係多大便架）。所以揾個支援母乳嘅醫生都好重要。
的確有小部份bb會因為媽媽食左某d食物後哺乳而有不適反應（通常係皮膚敏感或大便改變），一般只要媽媽停食該種食物就會冇事，至於係咩食物就要媽媽觀察、留意