You are here討論區 / 早產及0 - 2 個月寶寶 / 人奶加奶粉混合餵問題
人奶加奶粉混合餵問題
好多謝你的意見，我會繼續努力。
minmincat您好！
如果BB有足夠的大小便及濕片次數及增重紀錄理想，是不需要補奶粉的。
不如讓我講講醫學上甚麼情況之下BB需要補奶粉：
1.BB出世後三星期仍未追回出生體重；
2. BB的排出近乎黑色，而且堅硬的大便；
3. 經檢查過BB吸吮乳房的姿勢，媽媽的確沒有奶水出
要掌握BB有沒有食到足夠的奶，即是要知道input有幾多，可以從output 知道，我們會從初生BB的大小便次數來知道BB食了幾多落肚，一日能換5-6塊很濕的尿片，已證明BB食到足夠的奶。
補奶粉會產生其他問題，例如奶粉要用奶樽去餵，BB輕易地食到奶，會好易食過量，如果媽媽餵完母乳再補奶粉發現BB食了唔少奶粉，會很易信心動搖。
其次，初生BB吸吮乳房技巧未成熟，過早使用奶樽會影響BB吸吮乳房，令BB有乳頭混淆，唔願意吸吮乳房，BB吸到媽媽的乳房而哭，會令媽媽倍感挫敗。
而BB 喊係為咩原因，有很多時BB 會為過熱、過冷、悶、扭眼瞓，因為唔識表達，會用喊來發聲。先用抱抱來安撫BB 情緒，過了十來分鐘還是大哭不止才餵人奶吧。
希望幫到你。 
多謝你的回應。 其實我都有等bb食完一邊，自動離乳後，再睇下佢仲有冇嘴郁郁或未滿足的樣子，先再畀埋另一邊佢食。 而每次見佢埋身吸啜都會係佢嘴邊見到d奶水係嘴角或者啜完後嘴仔都係濕濕地，呢個情況應該係bb食到奶。
但係有時bb食完兩邊自動離乳後，唔夠幾分鐘佢又喊，好似未食飽咁，之後我就再用奶樽餵母乳或奶粉（大概2-3安）佢食，佢先至有滿足食飽的樣子，而且變得安靜，仲開始昏昏入睡。 如果呢個情況，係唔係證明我唔夠奶畀bb呢？又或者應該一見佢喊又扭，就再埋身餵多次呢？因為好多時再埋身餵係有d困難，因為bb會發脾氣唔肯再啜我個nipple，可能要扭一陣先肯再啜。
minmincat您好！
BB已沒有黃的問題，太好了！接下來也沒有太多事需要擔心。而你的情況是很常見的初生BB 問題，建議方法給下：
每次餵奶先餵一邊，每次餵一邊至BB 自動停食或自動離口，然後再餵另一邊，如果BB 唔食，就代表BB 已食飽，無需再補奶粉。
而究竟我們是如何知道BB 有沒有食到足夠的奶呢？通過觀察BB 的大小便次數，從「output」便可知道「input」夠不夠，詳情請看：如何知道嬰兒是否吃飽？
另外，BB 的食奶嘴形和媽媽的餵奶姿勢亦會影響到BB 能否食到奶，詳情的解釋請看我的餵奶姿勢是否正確？姿態講解。
如果唔清楚的話，打電話到屋企附近的健康院預約母乳咨詢，姑娘會教你餵母乳的方法。
希望幫到你！
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
BB現在已經24日大了，由出世到現在我已經好努力一有機會就埋身餵或泵奶。之前因為黃疸問題入過醫院照燈，醫生話佢食得唔夠，加上我哋想bb去黃去得快d，所以決定用人奶（埋身或用奶樽餵）加2-3安奶粉呢個方式來餵bb。
現在bb已經去黃，我想用全人奶來餵bb，但最近發覺就算我埋身餵（有時餵一邊都吸啜咗20-30分鐘，有時兩邊一齊餵都一個鐘，好視乎bb心情），bb都好似唔夠飽，唔夠就餵埋另一邊，但佢又好唔耐煩又扭計，好難先再啜，但冇幾耐又唔願食，最後都係再補3-4安奶粉畀佢。結果佢就飲，而且飲完就冇發脾氣，因為終於食飽，但我就好沮喪。 我自知奶量唔算多，但只要bb埋身吸啜得多就會刺激乳房增加奶量，但好可惜bb好似嫌棄我，就算埋身次數多都唔夠佢飲，最後都要補奶粉。曾經試過用杯仔餵奶粉，因為諗過佢可能有些乳頭混亂感，有一段時間食得ok，但之後又差咗最後都用番奶樽。
我現在開始覺得個人有d崩潰，好煩惱又身心疲倦，唔知應該點餵bb先好，好想全人奶，但bb又配合唔到。如果選擇人奶加奶粉咁餵，又覺得再餵人奶就冇意思，因為一來辛苦，二來自覺全人奶的bb身體發育會好過混合餵，所以好想放棄。究竟我應該點做先好？