奶量小, 應否放棄?

Gigi你好，
佢要人抱住瞓係佢冇安全感，加上佢被抱瞓着一醒發現唔見左你就會驚。你可以試下同佢建立睡眠規律，即係瞓教食做一系列活動（例如，飲奶->唱歌->放落床->拍下佢）每次一樣步驟，連續做一段時間，佢就知做呢堆動作就係要瞓教。
初初可能放落床佢會喊，可以抱佢一陣安撫左佢再重複唱歌->放落床->拍佢。

你知道佢係猛長期更加要俾佢埋身唔好補奶粉，明白你好攰，但補奶粉只會令你身體愈來愈追唔到佢食量。你要加油，猛長期好快就過。

經期就因人而異，有d人會遲d，但都有人好快黎番。我惡露完幾日就黎番喇。

Vicky

仔仔 38日人仔, 由出院到依家晚晚都不能睡連續三小時以上，一定要人抱住訓，就算食完奶,換完片, 抱到他睡著才放落床,唔夠一陣又會喊醒，我是鍡人奶的,但因為已個多月無時間睡過, 加上可能BB正處於猛長期, 所以這兩天每日都補1-2次奶粉, 每次60-90ml,請問bb點解晚晚都唔肯訓?? 如果一定要我抱住先訓, 我怕我會支持唔住

另外請問人奶媽是否不會這麼快有經期來的?因為我才生了一個月多, 我上網見好多人奶媽都要半年或以上才有經期, 而且我子官是有瘤的, 請問是不是不正常的流血??

Aiden Chan您好！

發燒，乳腺炎，服食成藥，都可以餵人奶架！

除非乳房流膿，流膿的一邊要停餵。

細菌不是經母乳傳染，大多是經體液如口水鼻渧，所以要注意衛生，要勤洗手。

另外，有咩問題都最好參考下Q&A 的建議：
http://www.breastfeeding.org.hk/faq

Breast is BEST！

禍不單行, 昨天乳腺炎, 仲有小小發燒, 好辛苦好痛, 更加令我想放棄餵人奶.. 今天好好多了, 熱敷(用椰菜), 按摩, 泵奶, 食退燒丸.
泵左既奶全部倒了, 好心痛(須然唔多), 驚有菌.

Aiden Chan您好！

你每天能直接餵奶，是沒需要泵另一邊奶的，只要每一次餵奶都有左右交替，上次餵左邊，下次餵右邊，便可保持兩邊的奶量。之所以不建議泵奶，是因為泵奶的目的是媽媽不在BB 身邊時讓別人來餵，你已在BB 身邊，揭開上衣餵便可以了。

你試試每次餵一邊，然後要補奶粉時，就餵另一邊，那就不用餵奶粉和泵奶，因為你已夠忙了。

此外，有關BB 睡覺方面，給你小小參考：一般來說，BB會在大約6個星期大時開始意識到外界的存在，會以笑容回應你，亦開始能分辨日夜。此時寶寶會漸漸拉長睡覺的時間，作息也漸漸定時。未能作息定時的最常見原因就是「過度疲倦」，意思是寶寶極之疲倦，錯過了最容易入睡的時刻。此時，小孩子便會掙扎、哭鬧或發脾氣。亦有些小孩子會強撐甚至表現成過度活躍呢！

6個星期至3個月大的BB通常在睡醒後兩小時內就會感到疲倦。

4至8個月大的BB通常在日間需要3次小睡，而每次小睡通常為1至2小時，而少於45分鐘的小睡時間則屬於太短。他們晚上會睡得較長，個別小孩可能會自行斷夜奶，但大多需要吃兩三次夜奶。

BB安睡小貼士

1. 作息定時；
2. 養成睡前常規，例如﹕洗澡、聽音樂、食奶等；
3. 要細心觀察BB的精神狀態，在寶寶開始疲倦時，例如﹕他減慢活動節奏、手擦眼睛或打呵欠等 ，父母便要開始睡前常規，防止他因「過度疲倦」而不能入睡。

現在想法是盡力而為....
不過, 餵一邊, 此終另一邊都要泵..就算泵都要等BB睡著才可泵,

只餵人奶BB是不飽的, 因為如泵出來, 我暫時一邊亦只得最多40-50ml, 所以每次又餵人奶(一邊), 又餵奶粉, 又泵奶(另一邊), 跟著洗奶泵....是好辛苦..

工作方面, 是無可能劃定一個時間是來做公司野, 因為我都唔知BB幾時可睡在床仔上, 因為他成日要抱的...

所以, 完全控制唔到

Aiden Chan您好！

原來如此！在家要兼顧工作與湊BB，又真係兩邊都會好，我自己有時都有需要要在家工作，的確是兩邊都忙到人都癲，家務好像做極不完，然後工作那邊又不夠時間完成。後來請教有經驗的朋友，佢地教我將非必要的家務就唔好理住，工作完成大半後去做下些少緊要的家務，長命工夫長命做，就唔會咁大壓力。

其實你已餵了兩個月母乳，奶量方面不會少，所以你要比信心自己，相信自己，奶水你是足夠的。

你的意思是BB 食一邊時便睡著了？如果這時候放低BB，BB會睡幾耐？因為其實沒心機食奶粉，可以說是因為已吃飽，吃不下時自然會不想吃奶粉。

一邊工作一邊要照顧BB，的確是很累人，加上你是新手媽媽，還未適應這樣的新生活，感得辛苦自然是在所難免。可考慮劃定一個時間是來做公司野，例如花一小時四十五分來做野，然後去湊BB，然後再回書桌完成工作，你看看這是否可行？因為泵完奶之後要用奶樽餵，又要洗奶泵奶樽是很費時和麻煩。省卻泵奶便可少樣功夫。

希望幫到你。

我暫時是home office, 所以又要照顧BB, 亦要處理公司工作, 感到非常難分配時間, 及"唔夠時間", 有好大壓力, 已經成日哭了, 所以如再按時埋身餵奶便好辛苦, 一來又覺得自己好小奶.
如餵晒兩邊, 很多時BB在20分鐘左右會訓著, 所以不能順利餵晒兩邊, 跟著BB便無心機食奶粉

Aiden Chan您好！

請問你需要上班嗎？為甚麼需要泵奶出來？若你能多說一點你的情況，我才可以給予更合適的意見。

BB 若吸吮良好，是會比奶泵能吸到更多的奶，若你不需要泵奶出來，不妨餵晒兩邊。

如果你是需要返工，所以要泵奶，可以在邊餵邊泵時，再左右交替，或會偷到多些奶出來。因為母乳是越餵越多的，當你邊餵邊泵時，身體會以為你餵緊兩個BB，會多分泌母乳。

希望幫到你。