You are here討論區 / 早產及0 - 2 個月寶寶 / 18日人仔, 咀角漏奶、啜的時間短、有時食完一邊就瞓、不定時睡醒

免費索取 育嬰手冊

18日人仔, 咀角漏奶、啜的時間短、有時食完一邊就瞓、不定時睡醒


winghan
winghan 的照片
Member: 3912
Joined: 2012-11-16
列印版本列印版本

18日人仔:
出世翌日到兒科, 每天埋身餵5次(如順利的話, 每邊15分鐘), 再補奶粉, 每日6餐. 7日後出院, 出院時醫院餵緊90ml 一餐, 出院後正式全埋身已有10日, 每日8餐, around 3小時(原本想跟醫院sch. 4hr, 但知道至少8餐, 所以改為3hr), 食兩邊, 每邊15-30分鐘不等. 而乳房通常都會係3hr 左右滴奶. 可能已經建立了規律

- 片的數量都可以, 2/3 次大便, 5-6尿但唔係次次都係重量級
- 出院時 3.53kg, 第11日健康院磅 3.63kg

問題:
1) 差不多每次餵右邊的時候, 咀角都有漏奶的現象, 當日去健康院餵的時候姑娘都見到, 但只係話出奶出得快, 食唔切, 可以按住D乳線控制出量, 但我就掌握唔到, 請問正常嗎? 有咩方法呢?

2) BB 會唔會係猛長期呢? 近呢幾餐剛餵完兩邊就一直喊, 好似唔飽, 機本上係喊到攰, 所以瞓
如果係猛長期, 我點樣分辨扭計定肚餓?

3) 如果某餐佢只食一邊就瞓著, 整極都唔醒, 我會尤得佢, 未食果邊會泵, 做法正確嗎? 但好多時會怕泵完佢又喊食, 會造唔切奶嗎??

4) 這10天我經常懷疑自己唔夠奶, 因為醫院餵開90ml x 6餐, 食大咗佢個胃, 但我知我就算每餐有90ml 人奶都係無以前咁飽肚, bb只係"唔餓" , 唔代表佢飽. 點算?

5) 初初幾天我堅持每邊餵30分鐘, 但這幾天bb起勁啜5-8分鐘, 之後開始細力啜, 捱過15分鐘, 通常都會瞓, 彈腳板、凍水抺面、扭耳仔、掃風都唔醒, 只好放過佢, 但每餐時間已經比之前幾天密, around 2.5-3hr

6) 嘔奶: 可能係bb喊得多

7) 我知道初生會瞓好多, 所以餵完都會比佢瞓, 咁bb 幾大先係食>玩>瞓呢? 因為bb 日頭喊多咗, 都無瞓過咁. 又唔似肚餓, 想人陪佢玩

nikitac
nikitac 的照片
Member: 4
Joined: 2008-03-13
winghan您好! 1.

winghan您好!

1. 奶水噴得急的話,可以在餵奶前擠些少奶水出來,然後奶便不會像排洪那樣噴出來。

2. BB 的大小便次數足夠,看來也是食夠奶,而有些時候BB 卻不停哭,也有好幾個原因,例如片片濕了唔舒服、悶想人抱、想睡覺等等,因BB 不會說話,只能用哭來表達,要懂得分辨BB 需要,媽媽是需要時間學習,如果BB 抱了十分鐘仍不停喊,可以用餵奶來安撫BB。

3. 如果不需要儲奶,可以不用泵。你也爭取時間休息。

4. 人奶都飽肚架,BB 有足夠的大小便,良好的增重紀錄便能證明BB 食到足夠的奶,你已經有奶水噴得急的問題,又怎會不夠奶呢?不用懷疑自己,若果母乳吃不飽,哺乳類動物還可以活到現在嗎?

5. 如果沒法弄醒BB,就留待下一餐吧。BB 才剛出世,仍未建立生活習慣,現在還在適應母體外的生活,不定時進食是少不免,因為BB 在肚裡其實也是食和睡無定時。

6. 減少BB 嘔奶,可在BB 食完奶後不要平躺,摺起毛巾,墊住BB 的上半身,約30 度斜 斜地咁,等BB 無咁易嘔奶。

7. 滿月後至三個月在的BB 會建立到定時的生活習慣。

希望幫到你!

母乳專訊派發地點

Lilypie Kids Birthday tickers

哺乳圍巾,送禮自用皆宜,所有收益撥捐推廣母乳,歡迎選購。

winghan
winghan 的照片
Member: 3912
Joined: 2012-11-16
無人幫到手?

無人幫到手?

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

免責聲明

本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?