問題都係未解決到呀,就快滿月啦,點算好呀???

昨晚奶奶十二點幾又比左奶粉佢食…前日我試過十點比佢食人奶食左半個鐘…食完唔訓…一路口擘擘同喊到十二點…佢好似知道訓前有一餐奶粉食…唔比佢食佢就死都唔訓…唉…點算好…我應該兩個鐘餵一次定佢想食就要比佢食呢?

今日我全理身…食十分鐘訓著左…十五分鐘後醒…又再想食…一係就食十分鐘含住黎邊食邊訓…拎開乳頭半個鐘就醒又再食…晚上八點食到八點十…唔訓…八點半又再要食…食到八點四十五分…都唔訓…九點又再食…食到九點二十分…一路都係咁…晚上食完唔肯訓…去到十二點99又會想比奶粉佢食…話佢日喊夜喊…邊有bb食得十分鐘人奶…食唔飽…bb食完奶粉就好快訓著…重訓左四個鐘…五點起身餵奶…每日理身超過十五次…但每次食得十分鐘…我係擔心佢食唔到後乳…食極都係前乳…今日佢成日食人奶…食一次去大便一次…正常嗎??係排之前食既奶粉定係咩呢?

其實睇BB個食奶時間好正常, 大小便次數亦都正常, 冇乜問題呀
bb頭10min食得快係因為肚餓, 之後因為冇咁餓又有安全感又舒服所以就會一路食一路瞓;
我兩個女初初都係咁, 成日食極都唔夠咁, 食得又密又耐, 自己就冇得抖好辛苦,
但我問過醫生, 佢話好多bb頭兩三個月都會係咁, 大啲就會好啲;
我個大女嗰時就捱唔住最後食奶粉多過人奶, 但今次個細女就一直全人奶, 佢想食就餵, 到而家4個月大都重係兩個鐘左右食一次, 每次5-10min, 今日去咗健康院姑娘話佢重得好好, 叫我畀心機繼續全人奶;
其實個個bb都唔一樣, 冇得比較, 亦都冇標準, 大家都係全人奶, 但有d bb可以4個鐘先食一次(我個表姪女就係咁), 但有d又會好似我嗰個咁食得咁密, 所以最緊要係睇佢夠唔夠大小便, 同埋有冇重到;
如果有心全人奶就最好一啖奶粉都唔好畀佢食, 我聽過一個醫生講得好好: 奶粉其實即係罐頭, 你捨得畀佢日日食罐頭? 如果怕bb唔夠飽, 試下平時泵定啲奶出嚟補返畀佢, 只要畀啲信心自己, 放鬆心情, 同埋飲多啲湯水(最緊要唔好食錯d收奶嘢), 唔會唔夠奶畀bb架, 加油!