好痛

penguinguin,
sorry我個大女開咗學之後好耐冇上嚟喇! 你個問題解決咗未呀?
飲過樽既b真係會懶埋身架, 其實要增加奶量最埋想係畀佢埋身啜, 因為用泵只係泵到一半, 埋身大約7成, 而個造奶機制係今餐食幾多下餐造返幾多, 所以畀佢啜完再泵清就最好,
咁你而家個奶量有冇升返呀?

hymn,我無用個啲保護器呀, 因為最主要整痛我係BB吮
我前幾日開始用樽餵啦, 因為佢underweight, 比出世輕左11% (今日係11 day old), 醫生order要加奶粉, 同埋pump出黎, 因為要track佢實際飲左幾多ml 依家埋身佢唔肯飲喇... 唔肯用力吮, 平個邊都唔肯lu.. 究竟之後若果我奶量升番, 佢口大啲, 可唔可以再俾佢試埋身呀?

同埋我依家只係靠一邊乳房嘅奶, 得40~60ml, 另一邊係滴滴仔, 得10ml左右, 其實keep住pump奶量係咪都會增加?

我開頭都試過，如果有小水泡要整穿佢如果唔係仲痛呀!至於乳頭保護器如果你有結焦都可以用，等個乳頭唔會直接high到個墊/衫，我試過損左開頭冇用保護器攪到成日"痴"住個墊一反開個bra就痴甩啲焦，攪左好耐都未好~同埋用反自己啲奶搽個乳頭，好快好架！！
如果阿b個咀仔張得唔夠大，你可以試下等佢爬 喺你個身上俾佢啜，因為我個仔試過有一日(約一個月大時)突然間好似唔識啜一埋身就咬落黎 ，攪到我鬼禁痛，試左不同post都係咁，最後試左呢個佢就好返啲，冇再咬~(我個仔而家個半月)

penguinguin,
有冇試下用保護乳頭器？我冇哩個經驗唔知有冇用，但個盒話幫到你哩個情況，我之前有朋友送咗對畀我但我唔啱用擺咗喺度，全新未用但開過盒來睇，唔介意的話我可以送畀你呀

我嘅情況同Byee媽媽差唔多 我一邊乳頭係平, 一邊係下陷, 初初幾日試過好多姿勢都唔成功, 頭幾日都唔知有無飲夠10ml。今日bb出世一個星期, 佢兩日前終於學識左吸平個邊, 但就依然好抗拒下陷nipple, 所以每餐只可以用平個邊餵。佢個口細, 我又係平乳頭, 佢飲奶就吸左個乳頭出黎, 好痛好痛。本來其他人可以間住間住等另一邊乳頭可以休息, 但bb點都唔肯飲下陷個邊 尋日bb睇醫生, 話佢比出世體重跌左9.3%, 叫我餵密啲, 由3個鐘一餐變2個鐘一餐 真係好痛好痛.. 我轉姿態餵佢, 佢又喊到痴線, 永遠只肯用平放式, 個傷口唔好不突止, 仲一次痛過一次, 我都唔知點算好, 依家一到食奶時間我就好驚, 每兩個鐘叫醒佢飲佢想訓覺就勁喊, 用好長時間安撫完佢, 到佢肯飲奶, 就到我痛到痴線, 我真係唔知點算好

我嘅經驗係幾痛都要埋身餵，因為bb細未識啜，實傷，所以更要畀佢多啲埋身練習，最多每次餵完擠多少少後奶搽下傷口，因為有抗體，但媽媽都要留意自己抱b嘅姿勢啱唔啱，唔啱的話都會都好痛同好易整傷，返開健康院可以畀姑娘睇下抱得啱唔啱，加油唔好放棄，覺得痛就望下佢食奶個得意樣，捱過咗就冇事架喇，加油！