如何在不影響bb作息，增加奶量？

係呀，其實第一個月真係好重要，中國人傳統重視坐月真係好有智慧。

如果BB肯埋身嘅話，最好就係先埋身後奶瓶。BB嘅吸吮最有效，但係如果佢攰或飽就會唔肯吮，所以最好嘅嘢都係留返俾媽咪。 但如果BB好抗拒埋身，咁就先用瓶餵幾安，等佢唔係太餓、無耐性，跟住就埋身。

至於BB嘅作息時間... 我個人嘅經驗係所謂嘅時間表都係虛幻嘅。每次我以為阿女咁犀利，自己較到3或4個鐘吃奶然後瞓覺，連我都settle into routine嘅時候，跟住就實有啲嘢搞到佢時間變晒（出牙、生病、猛長期、同當然越來越大個啦 ）。總之就放鬆心情，讓BB話俾你知佢想點，媽媽專心產奶。你得嘅！

我B现在有两个半月大,饮开人奶,但人奶又唔够又唔饮奶樽,怎么办?

非常謝謝你的回覆。我會努力的。
產前一心想餵人奶。但產後本身第五天才上奶，頭四天每兩小時埋身餵一次，仍一滴奶都沒有。印象最深是之後因為很多原因，坐月時東奔西跑，沒有休息，沒有追奶。所以奶量一直這麼少，自己都以為自己天生就這麼少。回過神來，已經一個多月了。最近才有空上網爬文，發現很多媽媽一開始的奶 也跟我這麼少，後來努力，竟然餵到全人奶。。。總之，我會繼續努力的。

請問如果一有就埋身，甚麼時候補奶粉？因為bb 現在已經有大概的作息時間，過得挺開心的。我想多餵人奶，又怕打亂了她的作息，最怕是她埋身吃得累了，沒心機吃奶粉，吃不夠。

呢位媽咪好努力！BB有得食幾多人奶都好過冇，恕我唔同意嗰位醫生嘅講法！

其實你有冇研究過點解少奶同埋有冇試過咩方法去增加奶量？有啲媽媽覺得泵奶好難，每次得幾安，但係埋身食又夠。因為埋身係取奶最最最好嘅途徑，BB嘅吸吮比任何奶泵都要有效，所以我建議你繼續埋身。但係另一方面，可以試下以下增奶方法：

- 俾BB密啲食。個胸越空產奶越多越快。基本上一得閒就試下埋身，BB愛吮多少就多少。唔好跟時間表。
- 如果仲有氣力，埋身餵完再泵/擠奶，即使好少奶出都繼續泵/擠，刺激產奶。
- 如果BB晚上醒來，最好埋身餵夜奶。睡覺時產奶最快，如果成晚都唔餵或泵，既浪費又降低產量。
- BB有冇吃安撫奶嘴？如果有的話，吮奶嘴容易吮到疲倦，影響胃口。
- 媽媽爭取時間進食、休息。產奶需要體能。你太緊張或者吃得唔夠都會有影響。
- 試下fenugreek同blessed thistle (http://www.breastfeeding.org.hk/book/171 "能增加泌乳的草藥")。