You are here討論區 / 6 個月以後寶寶 / 6月個bb唔食奶

免費索取 育嬰手冊

6月個bb唔食奶


豬B媽
豬B媽 的照片
Member: 3122
Joined: 2012-04-19
列印版本列印版本

bb已經6個月大,但厭奶情況由3個月開始持續到現在,近來仲嚴重o左,
每次抱佢埋身就伸手推開我同大哭,寧願吮手指,泵奶出o黎又唔肯飲,
由於佢肯食少量糊仔,所以老爺奶奶都叫我餵糊仔算,唔好比奶bb飲,
但我好擔心成日糊仔只食少少奶會唔夠營養,雖然我都有加人奶落糊仔,
但始終份量都係唔多,請問bb咁早就用糊仔代替人奶成為主食,會唔會對bb唔好?
本來我個仔已經唔係肥嘟嘟,依家仲明顯瘦o左,跌o左一條生長線,
真係好擔心,好有挫敗感...
到底有咩辦法可以改善厭奶呢?我知道唔可以迫佢,但見佢隔成5個鐘都唔肯食一餐奶,我都忍唔住迫佢飲,佢就變得更反感,不斷惡性循環..

豬B媽
豬B媽 的照片
Member: 3122
Joined: 2012-04-19
多謝你呀,sharon~^^ 係呀,好擔心,見阿b奶又唔願

多謝你呀,sharon~^^
係呀,好擔心,見阿b奶又唔願食,食糊仔就睇心情,攪到好奀..
我一直都係埋身餵ge,大概3個月大ge時候就厭奶,5個月ge時候又肯食番,但依家又..佢依家出緊2隻牙仔,可能真係因為咁唔食奶,佢厭奶已經厭到一個地步就係我一打橫抱住佢,佢就以為我要餵奶就會用手撐到衡..有時我會諗,佢係咪唔鍾意我呢?
呢個星期開始比粥佢食,落o左菜同肉,佢進食ge情況都唔錯,但始終唔食奶..我怕我遲下冇奶比佢飲..

sharon_t
幹事義工
sharon_t 的照片
Member: 3362
Joined: 2012-07-14
BB唔肯食奶的確係令人擔心。但係你講得好啱,咁細個BB以糊

BB唔肯食奶的確係令人擔心。但係你講得好啱,咁細個BB以糊仔為主食唔係好夠營養。請問你平日主要係點餵奶?埋身定係用樽?係咪你自己餵?

如果BB唔喜歡奶樽,可以試下用羹、針筒、杯來餵。有時候BB眼瞓時比較願意吃奶。另外可以試下多啲抱(甚至孭上身仲好)BB,等佢習慣媽媽嘅體味同溫暖,令食奶唔係咁“新奇”嘅動作。

BB“厭奶”嘅情況比較多喺奶粉BB身上出現,因為奶粉對BB嚟講比較難消化,所以腸胃容易唔舒服,咁就冇胃口吃奶。但係人奶BB都可能有短暫嘅“厭奶”,一般係因為出牙、生病,引致吞奶嘅動作令到口腔不適。如果仲係有問題,建議帶BB到醫生處檢查。

喺呢個階段固體只係副食品,奶始終提供最多熱量同營養。希望BB胃口快啲改善啦!

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

免責聲明

本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?