戒母乳
2012/07/15/ - 00:38
#1
人奶裏面嘅鐵質遠遠比奶粉同其他人工鐵質容易被吸收。請問醫生
人奶裏面嘅鐵質遠遠比奶粉同其他人工鐵質容易被吸收。請問醫生同你講BB貧血時佢有冇驗過血，定係只係目測？有時候小朋友生病都會暫時性貧血。除非驗過血證實缺鐵極為嚴重，媽媽可以試下俾小朋友吃多啲含豐富鐵質同維他命C嘅食品，觀察一段時間。
番薯、西梅汁、牛肉、菠菜、紫菜、豆腐、蛋黃、番茄、西蘭花等等等等都係鐵質嘅好來源。奇異果、橙、士多啤梨、枸杞、木瓜裏面嘅維他命C可以幫助吸收鐵質，一齊食多啲就最好。
貧血嘅小朋友會非常地攰，比較容易觀察。試下固體飲食改善下，好過將對BB最有益、最容易吸收嘅人奶拿走。BB越大，人奶就越唔能夠提供所有嘅養分，但係點都有益過其他替代品。努力！
2012/07/07/ - 19:27
#2
若果13個月大嘅BB只食母乳或飲牛奶梗係唔夠鐵質啦，但佢有
若果13個月大嘅BB只食母乳或飲牛奶梗係唔夠鐵質啦，但佢有固體食物補充，一定唔駛擔心營養不足。很多母親全人奶至BB兩三歲，無加其他奶製品，只吃正常固體餐單，BB亦無健康問題。
若果擔心鐵質攝取量，可以去健康院問下姑娘。
我就平日多給蔬果，牛肉、菠菜俾BB食，豆漿或鮮奶亦可以慢慢加入BB日常餐單。
而家呢個世界擔心BB營養過剩多過唔夠營養，人奶亦會因BB長大而改變當中成份幫助BB生長。
teresa
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
收到以下查詢：
本人有一名13個月的小孩，現在還吃母乳及兩餐固體食物。最近她生病帶她看醫生，兩位醫生說我已經餵了13個月，母乳的營養不夠，令小孩缺鐵，還有貧血。我是否應該幫女兒戒奶，謝謝回覆。