You are here討論區 / 早產及0 - 2 個月寶寶 / 兩個半月bb全埋身吃人奶, 跌出生長線, 應否堅持下去?
兩個半月bb全埋身吃人奶, 跌出生長線, 應否堅持下去?
你食多點飯,飲多點湯!飲炒米果皮水也有助増加奶量!
依家似乎係你BB性急,你又唔係咁多奶。
我諗可以從你自己著手先,你必須要心情放鬆一點,不要想太多,休息多點,喝多點水,甚至乎一些上奶湯水,有助提升你的乳量。
至於要平衡番左右兩邊,並唔係一朝一夕的,真的要慢慢來。
餵哺母乳是按需求餵哺的,並不如餵哺奶粉般固定每餐餵哺時間及餵哺份量,全部都是按BB需求而定,所以不要太在意"ML"問題。
努力,努力...遇有不開心便上來"吹吓水",我哋個個都支持你的。
還有一點的是, 姑娘說兩個半月大的bb應該食到120-150ml奶, 她說我的情況, bb應該吃不到, 所以建議我給奶粉, 真是很大的打擊...
多謝你既快速回應, 個心感覺有人理會自己難處
我每次比bb啜一邊, 但似乎好難令佢食到好耐食到足夠後乳, 食一陣佢就好炆喊住咁係咁扯係咁爬來爬去, 好似嫌我無奶或者出得好慢一要佢食到無力, 就索性唔食走去訓 (但我從未比過奶粉同樽餵的)
好多時個胸都係軟的感覺, 健康院姑娘話我可能唔夠奶, 所以食奶前食奶後都唔點覺鬆左, 肯定唔到bb有無食得夠. 我見我仔食右邊時好少見嘴角有奶, 而果餐後又唔見有濕片; 相反, 左邊佢嘴角有奶出, 濕片都有; 我亦有試過多啜右邊, 但增奶好似唔太理想, 係咪我已經再增唔到奶呢? 還是bb啜得差? 之前返過健康院姑娘睇過又話bb啜得都ok)
依你之言, 兩餐右邊一餐左邊, 咁佢會夠飽嗎?
姑娘有建議叫我餵奶粉, 睇下bb食完奶粉後個樣係咪同埋身食完個樣唔同, 睇下係咪滿足d就會知係咪我d奶唔夠飽, 但bb都唔肯用樽又唔食奶粉係咁吞返出來, 依家我進退兩難, 埋身餵唔理想, 泵又泵唔出, 奶粉又唔食, 好失敗...
首先真的要給你一個LIKE,你完全明白到泵出來的奶量並不完全等於埋食餵哺的奶量,所以選擇密密埋身餵哺,免被泵出嚇怕自己。
不過我想你再進一步,千萬唔好質疑自己的奶,不要覺得自己的奶有問題。母乳是BB最好的食糧,所以千祈唔好放棄。
以你情況,首先你要明白BB瞓唔好或者食很密,不一定與吃得不夠有關,很多時候只是寶寶需要安全感,希望可以常常被媽媽抱著,故出現索食頻繁情況,而又因為缺乏安全感,所以自然睡得不好。
其實以你BB依家有5-6條濕片,但增磅不理想,可能是因為吃不夠後乳。所以想先問你,你每次餵哺時,是否待BB吸吮完一邊乳房後,再看他是否需要再吸吮另一邊? 如果不是的話,你便需要改變一下習慣,因為於餵哺過程當中,BB未清空一邊乳房便吸吮另一邊,便會出現吃不夠後乳情況。
至於左右乳房奶量不均,亦是非常平常的,你大可讓BB多吸吮較少乳汁的那一邊,如連續2餐都讓BB先吸吮乳汁較少的一邊乳房,於第3餐才讓BB先吸吮另一邊,而不是每餐輪流開始,一段時間之後,情況便會好轉下來。
另外,希望你明白噴奶並不等同多奶,千萬要對自己有信心。
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
bb兩個半月大, 一直都是埋身餵的, 早兩天回健康院磅重, 姑娘說每月增長剛好合格, 有0.6kg, 但生長線跌出, 本是已經是10%, 現在更是只得3%, 打針時姑娘也說bb身上沒什麼肉. 我應該堅持全人奶? 還是放棄人奶吃奶粉呢? 試過用手擠出來, 兩邊夾埋才只有120ml...令人沮喪, 因此我一直只敢埋身密密餵, 就是不想被自己的奶量嚇親 (這星期bb一天早上兩個鐘吃一次, 晚上十二點後一覺睡天光到六七點,之前是一天九餐的)
我覺得自己左右奶量不一, 右邊長期無奶, 用手擠只得數滴滴出來, 左邊就有兩三條奶柱, 但從來都不會有噴奶反射等情況, 濕片也是勉勉強強五六條左右, bb很多時啜十分鐘不是想睡停了不吃, 就是很炆不停扯乳頭, 手腳爬來爬去, 試過穿很少衣服, 用手擠出奶幫他吃, 也有不停弄醒仔, 但情況都不是太想吃, 放低唔夠半個鐘又吵著想吃奶, 是不是我的奶有問題呢?
bb吃不夠的表現會是如何? bb埋身從沒試過自己吃夠離口, 我是見他吃不好才幫他鬆, 一鬆bb就喊, 但喊一陣又沒事, 但總是睡不好, 只能睡一個小時,是不是不夠飽的表現?
很沮喪, 心情很不好, 給奶粉bb又不吃不停喊要埋身啜, 不想看到快三個月仍只有九磅, 很累...