太太想放棄餵人奶

nicko.lkl & kaming 您們好！

初生寶寶愛睡覺，所以會食食下奶會睡覺，如winniethemo 所言，餵奶時BB 唔好著咁多衫，因為有媽媽抱住，成個暖爐咁樣，加上有得吸吮乳房，會好易令BB 食食下就睡著覺，穿少d 衫等佢無易睡覺。

其次當BB 睡著時，或開始吮得慢，無乜吞口水的動作，就同佢掃風，換換片、洗洗面、"R" 手掌或腳板、搓面豬"dum"、打圓圈搓背脊等等，要叫醒佢唔好睡著覺。如果BB 食一邊食到自動離口，可以餵另一邊比BB，如果食的話可以餵兩邊。

另一方面，絕大部份的BB 一離開大人的懷抱就會喊，咁唔係因為佢食唔飽，而是BB 需要安全感，喜歡由大人抱著，就好似在媽媽肚內咁溫暖同舒服。你地可以將BB 包實一點等佢有安全感。而可以的話，就盡量多抱BB，讓BB 感受大人的愛。

如果每日的大小便次數充足，那就可以不用補奶粉，因為奶粉會令BB 少食人奶，少食人奶的話媽媽的奶量會因此追不上BB 的食量，令奶粉越補越多，是個惡性循環，最後會得不償失。

希望幫到大家！

哺乳圍巾，送禮自用皆宜，所有收益撥捐推廣母乳，歡迎選購。

我嘅情況同大家都一樣，每日總有些時候要用上3小時以上餵奶，真是很攰，很想放棄。

我個bb都係啱啱三星期大，佢開頭飲奶都係咁，食下訓下咁，所以有一次同佢擾攘左4個鐘添呀！簡直虛脫呀！ 護士敎我唔好比佢咁舒服--如穿少d衫，最多用衫cover住佢，等佢醒d。佢貼住媽媽個身唔會怕涷親佢嘅，因為太溫暖加上媽媽的氣味會令佢好容易想訓。又可以不停攪佢，面呀，腳仔呀，唔好比佢訓著。

唔好放棄！其實你肯埋身餵多d，一定夠奶嘅。就唔洗補奶粉。同埋會見到佢食奶有進步，唔咁辛苦㗎啦。
加油！