阿B像上了癮,需要戒奶嗎?

係呀係呀,喂人奶真係好開心架.我都想一直喂呀囡.呀囡現在一歲,雖然她已經可以食固體食物,食到3餐.
我發現自己有咗bb,不知為怎麼呀囡比以前更依賴媽媽奶.不論她口渴,想訓覺,玩玩下又黎, 總之一想飲,就走埋黎我身架啦.一晚飲奶8:30到早上6:00可以飲成10次(以前無咁多). 飲得仲多過NEW BORN BABY好多好多. 早上又係咁, 食飽都係咁.成日想飲.一唔比就叫喊.(佢平時好少喊,只係無奶飲先會.成個鐘都唔肯收聲架)

因我身體體力有限,肚個個先得9個星期.完全無得停.只好要她介奶.我幾日無見呀囡啦, 我都好唔捨得,好掛住佢架!!!!但我真得很喜歡喂架,只係無法子先停喂呀囡.

支持人奶.....

我覺得唔應該用餵人奶黎哄睡，因為

1）容易蛀牙
2）bb應學習自行入睡，咁對bb既自信心同自尊感有好處，能自行入睡既bb不需靠外力黎幫忙入睡，咁佢會瞓得多啲同好啲，發育都好啲
3）半夜如bb醒來要靠啜奶奶先瞓得返，會對媽媽造成好大負擔，唔使返工既好啲，在職媽媽就捱唔到幾耐，容易放棄餵人奶，反而不美。其實哄睡方法同餵人奶定奶粉係兩回事，唔好混為一談。

我仔係自行入睡的，初初訓練時喊多左，訓練成功後好少喊，好有安全感，我晚晚大覺瞓，著埋睡袋半夜都唔使同佢蓋被。

育兒可以好開心，唔使搞到自己筋疲力盡先叫偉大。

好有同感.我仔仔已19個月,仍然每晚要啜住先瞓得著.我已經有第二個,個肚都6個月了.但我仍然覺得佢心理上需要啜,就由得他吧,反正又不是啜得耐.屋企人都不讚成,總是叫我幫他戒.但是聽過就算吧.等肚裏面的出世,我仲諗住會兩個一齊餵媽媽奶呢~~~

其實 , 我真係好鐘意呀B佢食人奶 , 我好鐘意埋身餵 , 見到佢食心中好有安慰 , 仲好感動 ~~ 時光飛逝 , 我知道呀B大個左就唔會再有呢D咁親密既動作 , 我真係好好珍惜 , 所以現在的他需要我就會盡量遷就佢 , 當初我都沒有強迫呀B戎夜奶 , 我相信佢會靠自己來戎掉的 , 結果他真的戎了 , 各位媽媽加油啦 , 我保証當呀B戎左夜奶時 , 你們又會很捨不得的 ^^

洋媽媽，看完妳的一席話後，覺得自己的決定是沒有錯誤，
其實我是多麼的喜歡寶寶需要我，那種互相需要的肯定很實在，
之前的猶豫只是怕將來對寶寶不好，怕寶寶過份依賴，
現在就讓寶寶繼續依賴下去，時光飛逝，真的要好好珍惜。
謝謝妳！

不經不覺間，餵哺母乳快一整年了…
當中有苦有甜，希望能堅持下去，直到寶寶自然離乳=]

原來吾少媽媽都正在為如何令BB 入睡而煩惱.
我也正在看一本叫 "讓寶寶一覺到天亮" 的肓兒書,還只是開始看了幾頁.....

其實作者Dr. William Sears 是一個兒科專科醫生,亦是育兒專家.他提到餵哺母乳是最有效安撫bb 的方法.故此,他很鼓勵媽媽給bb 吃著奶入睡.

我不是什專家,但洋洋細細個時,我都是給他吃著奶睡,直至他4歲.我覺得吾需要將事情當成是一件棘手問題,才幾個月大的人仔,有"痴"住人的需要是好正常的.人家bb 可以自己入睡也不是什麼稀奇事.....就因為大家的bb 都不同,各自有自己的需要.我們每位媽媽都不同,都有自己的獨特思想個性.別人喜歡的,不一定係我杯茶.

媽媽應該是相信自己bb 的需要,多於否定他們的需要.尤其任由讓bb 哭鬧不停,整家人都會因此而心煩意亂.那何不吾細心去感受bb 身心需要,一來能使bb平靜,二來又增加了妳與bb 的了解和互信,三來整家人都能得到平靜和諧....或許還有更多.

回想4年的餵哺光景,我相信起初阿仔的確是依賴我身體給他的安慰(當中包括關懷,溫暖和愛)而入睡.雖然戒奶至今又已4年,但他對我的信任與愛護並沒有因為戒奶已減退過.如果媽媽將餵哺歲月所付出的精神當成一種健康與感情的投資,咁餵哺時間與次數越長越多,那麼相信妳日後的收獲將會更高更厚!

我阿b都係，變成媽咪奶咀...每次氹瞓覺都要俾佢啜吓先瞓得著

我同樣有這種問題，無乜奶，但係阿b一定要食，好怕佢食到好多風入肚！想協會人仕專家可否回答？

我同妳的情形好相似
我BB雖然都有飲到我的奶
不過我覺得他系心癮同習慣多於肚餓
無論系夜晚或週末，我每次都系俾他埋身
之後餵下餵下，他就會訓著
他每晚都系醒幾次，就為了飲奶
如果唔俾他，他就會狂喊（他平時算系少喊B）
令我好苦惱
好想知道有咩解決方法