BB食固體後..如何安排餵奶同泵奶呢?

Hi rainbow123,

先恭喜媽媽已經餵到七個月，真係唔容易。

你建議”食左糊仔先食奶”，呢個方法係行得通。

另外，每個ｂｂ食奶量及進食固體情況都唔同，好難講要泵到幾大才可以停。我就將我自己的經驗同你分享下：

六個月開始試食固體食物，但真係食好少，頭兩個月都無少到奶，而且ｂｂ大ｄ食量又提升，所以我繼續係公司泵兩次。直到ｂｂ一歲大，真係可以有一餐食到粥仔，才真係泵少一次。直到ｂｂ歲半大，真係可以媽媽返工期間全固體，唔食奶，其實之前已經常常沖奶奶涼，那時才真係停唔泵。但早，晚，半夜，星期六日假期就想食就餵。都可以一直餵到三歲。到接近三歲時，我還可以邊餵邊滴奶。

只要你繼續定時去餵ｂｂ，就算一天兩三次，奶量也會持續。

加油！！

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！