You are here討論區 / 育兒心得 / 最近湊B湊到無晒心機...

免費索取 育嬰手冊

最近湊B湊到無晒心機...


Kay Jeong
Kay Jeong 的照片
Member: 1300
Joined: 2010-07-21
列印版本列印版本

BB 出世後一直全人奶, 不經不覺餵左 13個月.
1) BB 夜睡不寧, 每天清晨便起床
BB 11個月大時, 我幫佢戒左夜奶希望改善佢睡眠質素. 一星期已經叫做成功左, 佢半夜冇再起身, 一覺瞓到約 5點左右, 我會餵佢之後佢又會再瞓到約 7點. 可惜只係開心左 2個月, BB 滿一歲後又突然半夜起身 3, 4次, 而且一醒就爬起身大喊, 我都唔知點解... 而且佢每朝 5點就起身, 唔肯再瞓~ (佢日間午睡約2小時, 冇改變) 我見佢慢慢開始有黑眼圈, 雖然好擔心 BB, 但自己可能因為太累而很容易發脾氣, 亦冇心情同精神陪 BB 玩.
2) BB 唔識 (唔肯?) 咀嚼
BB 5個月大就出左2隻門牙, 最近出緊犬齒, 雖然牙仔唔少但似乎唔願意用. 俾佢食麵包, 多士, 零食餅佢都好鍾意, 但水果只肯食較軟的, 如香蕉, 士多啤梨及水蜜桃. 蘋果及雪梨等佢會咬到一粒粒吐晒出嚟, 若做果蓉俾佢會嘔. 正餐菜肉都鍾意食, 每次食晒成碗粥. 但若當中的菜切得較大粒, 佢會伸手指入口撩返出嚟!
見我食飯佢好有興趣, 若餵飯佢係就咁吞, 唔咬的! 點解會咁ga?
3) BB 唔肯飲野
除左直接餵人奶之外, 水, 果汁, 淡茶, 鮮奶等全部唔飲! 最初教佢用鴨咀學習杯同飲管杯時, 佢好鍾意飲. 但約一個月後, 可能佢學識就冇新鮮感, 每次遞俾佢只飲2啖, 再遞俾佢會照樣吸啜之後吐出嚟, 整到自己同地下都濕晒~
之前由於我要讀書, BB 8個月大開始返托兒所. 因為我一直埋身餵, 所以 BB 唔肯食奶樽 (我 pump 出嚟的人奶), 每次老師攞奶樽俾佢就大叫大喊同埋發脾氣, 用其他方法餵 (例如用杯飲或遂匙餵) 亦食得好少. 當時老師同我商量後, 大家都認為 BB 食固體食得好好, 就決定唔迫 BB 食奶, 即係由朝早 9點至下午 3, 4點佢都冇奶食. 唔知係咪因為少左餐奶, 所以佢半年只高得1, 2cm. 而家我想加一餐鮮奶或偏食配方奶俾 BB, 但佢十分抗拒. 可以點樣氹佢飲野呢?
我明白 BB 身高同生長速度主要係遺傳影響, 但當好多人都質疑母乳唔夠營養俾 BB 時, 我真係覺得好煩惱, 希望 BB 快高長大, 果D人快D收聲...

Happy_Crazy_Mama
Happy_Crazy_Mama 的照片
Member: 2170
Joined: 2011-04-30
Jay,寶寶的睡眠嚴重不足啊!累積起來會使寶寶的睡眠時數和

Jay,寶寶的睡眠嚴重不足啊!累積起來會使寶寶的睡眠時數和質素都愈來愈差的!
你有看過不同的‘寶寶睡眠’書嗎?之前有沒有跟過哪些理論或者做法呢?分享一下或者我們可以‘旁觀者清’看到有甚麼改善方法也說不定!

我的曳曳很喜歡吃飯,尤其是白飯(直到最近開始挑食,愛上了‘食餸’),可是我們也發現了,在她一歲半前左右,她還是不多咬碎,很快就吞下去的。這種不硬的食物,由她不咬得太碎好了,慢慢地她就自己學懂嘴嚼。當然,可以加一點她喜歡吃、又比較有‘咬口’的‘脆脆’食物給她鍛鍊一下,幫助她盡快學好‘咬東西’,不過只要小心防止孩子偏食,慢慢她就會掌握嘴嚼的技巧的了,放心吧!

眨眼

我倒覺得‘不喝水’比較值得擔心,可是這個也在我家曳曳身上發生過,後來喝奶的次數、時間、份量少了,加上會走路了體力‘勞動’多了出汗多了,自自然然地就肯喝起水來了!(不過挑選寶寶喜歡的杯子也很重要,我們曳曳是到了第四、五隻‘學習杯’才合她的心意喜歡用起來 吓? 。)尤其是去托嬰園的(好像我的曳曳和你的寶寶),集體活動更容易學東西,因為每個小朋友都一起喝水,她就很容易受感染加入了!所以,還是那一句,不必太擔心!(倒可以試試買不同的杯子給她試試看,甚至帶她一起去挑選,效果可能更正面!)

加油啊!我們會一直支持你的!!!

微笑

母乳專訊派發地點

I am a mother of an apparently underweight girl.
Fed on the whole variety of food, she eats a lot and still loves to enjoy the breastfeeding time, although it is just a tiny proportion of her daily nutrition intake. ;-)

The best gift a mother can give her babies, in addition to unconditional love, is breast milk!

我的曳曳可以享受喝奶時和我親近的寶貴時光直到現在接近兩歲,你家的寶寶也可以!

nikitac
nikitac 的照片
Member: 4
Joined: 2008-03-13
Kay Jeong您好! 記得你初來討論區時,BB

Kay Jeong您好!

記得你初來討論區時,BB 才剛出世,現在唔覺唔覺,小寶寶有一歲大,踏入人生另一階段了。時間過得真係快啊!

小朋友在每個階段,有不同的需要,所以很多時之前用過,有效的方法會變無效,要搵個新方法先得。你和BB 是分開睡還是一起睡?試試一齊睡睇下會唔會有改善?

第二點,BB 未識用牙之前會用上下顎壓偏食物,你可以將BB 喜歡的食物切成小粒,鼓勵BB 自己用手抓來食,食得好好地,就將食物改為硬一點的比佢。BB 才剛一歲,學習咀嚼的日子來日方長,慢慢來吧。

第三點,果汁只有水和糖份,多飲無益,唔飲無壞。肯飲兩啖水,肯食水果,沒有便秘問題,其實並沒有問題。BB 白天唔飲奶,你晚上見到BB 時餵奶給他補充也可。

過了一歲,母乳的角色是輔助食物,母乳仍有營養,只是不足供嬰兒需要。媽媽餵母乳餵到一年,BB 正餐食得好,沒有偏食,且長得健康,少病痛,應該值得高興和自豪才對。正如你自己都知道身高是催谷不來的,當其他人質疑母乳沒營養時,你不妨自豪一點說,BB 很少病,是個身體非常好的BB!

希望幫到你。 心

母乳專訊派發地點

Lilypie Kids Birthday tickers

哺乳圍巾,送禮自用皆宜,所有收益撥捐推廣母乳,歡迎選購。

icedlemonade
icedlemonade 的照片
Member: 67
Joined: 2008-10-02

捐款支持香港母乳育嬰協會

香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助

免責聲明

本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?