一歲BB食奶成日咬點算？

Hi jingjing，

先恭喜你快餵到BB一歲，一年來應該都遇到好多問題，而最後都後一一解決了。

當BB開始想咬嘢時，佢食奶就可能想試下咬，所以令你受傷。也只有教育才可以令BB唔好再咬。你可以試下以下方法：
＞　當BB咬你，你就用手指尾鬆開佢口仔，停止佢吸啜，用嚴厲的聲音話佢知媽媽痛痛。
＞　如果佢唔係太大力，我都會再俾佢吸啜，但再一次咬你，你就再一次停止佢吸啜，用嚴厲的聲音話佢知媽媽痛痛，今次唔會再俾你食。

久而久之，佢知道咬媽媽就無得食，想食就唔好咬，就無事啦。

希望幫到你。努力加油！！！

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！