餵大B及細B

THANKS! 我會努力，希望除左餵到細B外，遲D都可以餵埋大B。

不過我諗家人會反對，因為大B 6個月後到依家都食奶粉，食得好地地。加上奶粉商又送3號奶粉、又買一送一、又話佢地蛋白質高D，而我只能話母乳有抗體，至於蛋白質/成份，又或者啱細B而啱唔啱大B，我只可以盡量答家人。

但最起碼，希望今次餵細B可以餵到佢唔食為止，越耐越好。

THANKS! 明白。
只不過話餵人奶應該冇咁快有排卵，原來都未必。

女人有月經, 其實係先有排卵,
子宮內充血, 預備比受精卵著床,
如果卵子冇受精, D血就排出, 就係月經~

產後, 有冇餵人奶都好,
身體到左某一日, 就會重新開始排卵,
十幾日之後就會有第一次月經~

所謂無月經都可以懷孕,
因為撞o岩哩次產後第一次排卵 (第一次月經未出現),
而並非話一直冇月經都一直可以懷孕~

我是全人奶，M未嚟過，所以有細B都令我地有D意外。醫生話機會細，但都有可能。

我估應該係第3個月有左，我餵大B全人奶6個月，不過後來頭暈、奶量跌，依家想等細B出世，唔知可唔可以餵番大B？同時又餵細B？

lazycat,妳說得對，初乳中的蛋白質相對是最多，當中大量的蛋白質是抗體及其他保障成份，確保寶寶的健康。

牛奶的蛋白質成份及含量都與母乳不同，牛奶只適合牛仔！母乳的成份十分複雜，會隨著寶寶成長而改變其成份，來迎合寶寶不同時候的需要。母乳中的脂肪成份為寶寶提一半的能量，乳糖提供百分之四十能量，蛋白質則不是主要能量來源，而是主要是作為抗體及保障成份。

當生了細b之後，妳的母乳因受荷爾蒙的影响，會因應初生寶寶的需要，在頭兩三日會有初乳，量是很少的，但已足夠，如果想餵大b，在頭三日可以先餵細，才餵大，以確保細的吃得足。

約三日後母乳會大量供應，便可以兩個同時餵，妳的奶量會因應需求而增加，就好像餵孖生一樣，會有雙倍奶量。

lazycat: 請問你是有大B 2個月就懷孕, 當時全人奶嗎? 當時有m 嗎 ? 是否無M 都可懷孕??

我都係細仔出世後兩個仔都餵～

其實唔駛諗咁多，母乳點都好過任何其他代替品，
繼續比大仔食母乳一定正確，唔駛擔心，
而營養成份，雖然話不同階段會調節，
不過都係母乳，唔係變左第二樣野，
成份並非極端地截然不同嘛，係有少少分別姐，
而大仔已經食好多固體，相對母乳需求其實較細，
唔緊要～

講到餵完細仔餵大仔，我既經驗係，
時間上未必配合到，
總之記住，餵完細仔某邊乳房，
到大仔食（可能已經隔左一段時間）都餵同一邊，
細仔下餐就比佢食另一邊，飽滿果邊，咁佢就實夠食喇～

我想問身體調節給細B的奶，是否蛋白質較多？還是較少？
奶粉商告訴我，BB越大越需要多蛋白質，不是初乳蛋白質最多的嗎？

lazycat您好！

身體會優先細B，分泌出來的母乳，營養會以細B 需要而組合。

奶量充足，有奶多餘的話是可以讓大B 進食，可視乎情況而決定。

哺乳圍巾，送禮自用皆宜，所有收益撥捐推廣母乳，歡迎選購。