8個月bb, 唔肯食粥仔. 只食米糊ok嗎?

可能因為米糊係精製過，與粥仔比，質地幼滑好多。
可以在煲粥前，將米略攪碎，但不要攪得太幼細，否則跟米糊一樣，ｂｂ只會願意食幼滑的質地。
而每個ｂｂ的口味及喜好都有別，媽媽可以多花點心思去設計他們的飯餐。如能做到一頓ｂｂ喜愛的飯餐，那種滿足感就是妳的成功感與回報了！

我講緊係就咁蒸條魚一啖一啖餵佢食

我b女而家8個幾月, 我煲粥時有落瘦肉, 會比埋佢食,
當然要用較軟的瘦肉好似梅頭咁樣,
反而我就無試過用湯底封煲粥既。
7個幾月時開始有比蛋黃,
如果佢唔肯食粥,可以就咁餵佢,
我都係就咁蒸比佢食呀!
其實煲粥真係幾麻煩架,我自問我大仔果陣食燶粥大.哈
加油呀,慢慢試,試岩味佢一定會食的

瘦肉煲粥... 請問是否瘦肉都可以餵埋給 BB 吃?
我的 BB 快滿 8個月了~ 但暫時仍是 "素食", 想問一下怎樣加入肉類? 是否只用魚湯/肉湯煲粥? 還是一開始便可以連煲粥的魚肉/瘦肉一起吃?

今日用瘦肉煲粥, 都係唔肯食. 唔知佢係咪出牙仔, in general食慾都唔係太好.

因為我懶睇火又怕煲燶粥, 所以我用飯煲煮粥... 煮出嚟啲飯粒比較完整, bb 唔肯食! 所以我會用篩隔過, 用匙羹將粥裡面的飯粒壓爛, 之後 bb 就好鍾意食喇!!
而家 bb 食得叻咗, 我只需要略略壓幾下就 ok, 唔使整爛晒喇~

冇必要調味,
其實 BB 味覺好敏感, 食物本身既味道已經好豐富,
而且不見得落鹽佢就會鍾意食~

太細個開始食調味食物, 會令佢習慣食重口味既野,
食慣鹹, 會令血壓上升, 增加長大後心臟病既風險~

我明天會再試. 唸住用瘦肉煲粥俾佢食. 可能再加d菜蓉.

其實我已經將d粥(textile)煲到好似米糊咁杰, 都唔係好啱佢心水. 唔知係咪唔啱味道呢? 醫生話可以放少少鹽, ok嗎?

maci_mandy您好！

除了米糊外，八個月大可以在粥加入南瓜、翠肉瓜、菜心等可以砌爛的瓜菜，還有魚肉、雞肉、豬肉可以加入。

米糊是製造過的食物，可以當作過渡期，好似大人間中食下罐頭，但最理想是可以從天然的食物中攝取營養。

粥仔的質感也要多變化，找出BB 喜歡的質感。

哺乳圍巾，送禮自用皆宜，所有收益撥捐推廣母乳，歡迎選購。

其實粥仔都有分好多喎, 稀粥同杰粥都唔同, 你係唔係確定BB係唔食粥, 而且煮粥都可以花好多心機, 魚湯底, 肉湯底等, 再者又可以加入不同固體食物.

不過開始時係要花時間適識, 我BB當時餐餐都食成2個鐘, 又含唔吞, 不過大D又好D, 如果味道好D又食到D. 慢慢又食到大.

食粥仔都係要BB學識吞嘢, 你可以識下白麵包, 其實又唔係一定要到1歲才識飯仔, 你大可以大人食飯時, 如果佢又想食, 咪俾兩三粒佢, 無問嘢架.

希望幫到你~~~

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！