好多問題
2011/02/09/ - 11:03
#1
Hi Kay
Hi Kay Jeong,
其實bb出咗牙仔係好容易會咬親媽媽，所以當佢咬得你痛時要立即同佢講，「媽媽痛痛」，用手指尾同佢鬆口，再同佢講，「再咬到痛痛就無得飲奶奶」，之後當然再次埋身餵，如事者幾次，希望佢學習到咬到痛就無奶奶飲。
如果乳頭有損，其實最好係用自己的母乳去搽，等乾咗就可以著返bar。
我都曾經試過你的經歷，當時佢又食唔清造成硬塊，佢又咬痛人，我就只好泵出來餵，等佢少d機會埋身食，過多一兩個星期，再俾佢全埋身食，佢又食得好好。
便便方面，只要bb玩得食得瞓得，數天無便便都唔係大問題。可以從食物入手，多些瓜菜，可以俾一條條手指size的蒸熟紅蘿蔔俾佢自己咬。
希望可以幫到你~~~
好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。
第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。
同大家一齊努力！！
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
BB 現在七個半月大了, 有 3隻牙仔, 一直吃全母乳, 滿 6個月後開始吃糊仔粥仔, 最近午餐及晚餐都吃粥仔 (大約1/4個 BB碗), 現有問題如下:
1) 自從 BB 上排長出了一隻牙之後, 他經常磨牙 (我有給他牙膠及手巾之類, 但他還是愛磨牙), 這對他的牙齒有害嗎? 可以怎樣處理?
2) 也許是他出牙的原故, 我的乳頭經常被磨損 (其實他沒有咬, 但不知怎的還是損了). 而乳頭損了之後, 乳房又很容易出現硬塊. 若我按摩變硬的部份, 則會有乳汁在損的位置滲出 (我猜是因為乳頭損了, 乳汁不能順利流出而造成硬塊)... 這個情況又可以怎樣改善呢?
3) BB 未開始進食固體前, 每天都有 3次 poopoo 的. 但自從引入固體後, poopoo 次數一直減少, 至前兩次都要隔了三天才 poo 一次 (不過份量多得很嚇人)... 而這個星期他還沒有 poopoo, 今天已經是第六天了!! 我每次餵奶後都有替他按摩肚子 (每天 4, 5次, 每次約 2分鐘), 也有給他喝水 (但他不喝很多, 一天不足 100ml). 我可以怎樣幫助他呢? 要否帶他看醫生?