You are here討論區 / 早產及0 - 2 個月寶寶 / 1. bb的食量 2. 食奶速度 3. 食奶歷時
1. bb的食量 2. 食奶速度 3. 食奶歷時
Hi yautakken,
feed on demand > 係bb要食就餵, 想食幾多就食幾多. 如果埋身餵奶, 以我自己經歷就一天餵十二至十四餐, 每次食半至1小時. 因為埋身餵, 真係唔知佢食咗幾多, 有時食了一個鐘又叫要食, 有時又可以瞓兩個鐘. 真係每個bb每餐都可以唔同.
CHU CHU 奶咀真係要好用力才可以吸到, 我囡囡當時都係用呢個牌字, 真係餵一支90ml要用1個鐘. 不過如果想埋身餵, 真係唔好俾bb習慣食得太容易. 而且出得太快, 怕bb飲唔切, 會濁親.
其實b女12日大, 媽媽應該只係餵奶同休息, 其他掃風/換片, 真係應該交俾其他人做, 媽媽要休息多d, 飲多d暖水, 餵得頻繁d, 應該會容易提升你的奶量, 囡囡每餐都滿足到佢的需要, 自然會快d入睡.
慢慢來, 繼續努力, 加油!!!
好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。
第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。
同大家一齊努力！！
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
1.我bb的食量次次唔同, 時多時少, 有時60-80ml 便可以瞓3-5個鐘. 有時130ml, 個幾鐘又要食過. 我會就佢, 想食便比佢食. 這樣可以嗎? 是否叫 feed on demand 呢?
2.我b女12日大~剛出院4日，發現佢食奶速度比係醫院慢,係醫院食10多啖已經有10-20ml.但返到屋企食左10多分鐘先食得10ml.我用CHU CHU咀,亦用過醫院nuk咀....都係咁. 老公就話係醫院見到姑娘用刀片開大個咀(十字咁開),會唔會咁樣令阿b食得快d~?
3.我會埋身餵下, 佢啜10分鍾便推開, 我之前bump出嚟, 見過泵10分鐘都7788. 之後有時換另一邊, 有時再將之前泵落的比佢飲. B女一餐分3次, 食2安掃下風, 痾poo poo, 再食1安. 作眼瞓, 一放低又叫, 再補多安, 個人自動放鬆瞓著. 次次攪成2-3個鐘. 有咩計仔?